Bilemok nämüçin ýatdan çykanok
Ýa başga ýatlama tûkenäýdimi
On bäş ýyl soñ ýene dûýşüme girdi
Polýak ussalarynyñ tiken ädigi

Mollamurtuñ "Nesihatyn " ýat tutup
Ekzamene taýynlanýan wagtymyz
Satylýar diýdiler modaly ädik
Beýle ädik ýetginjegiñ bagtydyr

Nesihat ekzamen huşumdan uçdy
Birini alaýyn nädibem bolsa
Šo gyz meni söýer diýdim içimden
Geýer ýaly gowy ädigim bolsa

Bir gowy gyz bardy biçak owadan
Klasdaşlar bolup şony söýdük biz
Dostum şol ädigi alan dessine
Bagtym menden ýûz öwrendir öýdüpdim

Gowy ädik nesibãmde ýok eken
Hatda aýagma da görmedim deñäp
Başga oba göçüp gitdi ol gyz hem
Näme sebäp boldy bilmedim men ä

Henizlerem söýýärin şol gözeli
Kalbymda dogadyr mähriban ady
Durmuş da bu dostlar erkiñ ýetenok
Käte ol gysganýar bolgusyz zady

Ynjalyk berenok ýatdan çykanok
Ykbalyñdan bir zat gädilen bolsa
Göwnüme bolmasa söýjekdi le şol
Illeriñki ýaly ädigim bolsa

Çary ÝEGENMYRADOW