Bir gün möjek bilen eşek otuň reňki barasynda jedel edipdirler.Eşek otuň reňki sary diýse,möjek ýaşyl diýýän eken.Olar köp çekeleşipdirler.Bir karara gelip bilmänden soňra,meseläni çözmek üçin tokaý patyşasynyň ýanyna barypdyrlar.Sorag-jagap başlanypdyr.Ikisi hem özüniň delilini getiripdir.Höküm çykarylmaly wagt-da,hemme adalatly höküme garaşypdyr.Ýolbars höküme garaşýanlaryň umydyny puja çykaryp,möjegi bir aý tussaglyga höküm edipdir.Eşegi bigünä hasaplapdyr.
  Möjek garşy çykypdyr:"Jenap,otuň reňki ýaşyl dälmidi?"
  Ýolbars:"Hawa,ýaşyl-dy"diýip jogap beripdir.
  Möjek:"Beýle bolsa,näme üçin meni tussaglyga höküm etdiňiz?Men ýalňyş jogap bermedim ahyryn!"diýip,ýolbarsa nägileligini bildiripdir.
  Ýolbars:"Dogry,sen otuň reňki babatda ýalňyşmadyň,ýöne beýle meselede eşek bilen jedelleşip ýalňyşdyň.Mundan soňra saňa sapak bolmagy üçin,hem-de düşünmeýän bisowatlar bilen çekeleşmezligiň üçin, seni tussaglyga höküm etdim" diýipdir.