Arasynda şu saýda girip "bäh, bu saýdam bar eken-ä" diýýärin. Kelleagyryk nikli agza bir makala açypdyr. Makala-da soňky döwürdäki bir üýtgeşme agzalypdyr. Şu mesele barada we ýene saýtda gozgalan 1-2 tema barada agzap geçmek isleýärin. 

Ilki başda saýdy ýapmak barada belläp geçeýin. Şuny başdan aýdaýyn: saýdyň açylanyna ýyllar geçen bolsa, içinde birtopar mowzuklar açylan bolsa, jedelli gürrüňler edilen bolsa, bu saýtda köp kişi dostlaşyp bir geçmişi bar bolsa, iň esasysam, saýdy täzeden ösdürmek, galkyndyrmak mümkinçiligi bar wagty ýapmaga synanyşmak, biderek karardan başga zat bolmaz. Saýtda jedelli, çekeleşikli, gyzykly mowzuklaryň açylmagy zerur we içindäki agzalaram biraz azap edip, beýleki ähli saýtlardaky kişilere şu saýdy maslahat bermeli. Bir ugrugaýsa ösüp gider. 

Ikinji agzap geçjek zadym, "aýal bolmak gowumy ýa-da erkek bolmak" atly sorag barada. 

Bu soragyň özi manysyzdyr sebäbi bir jyns bolan bolsa (bu mümkin zadam däl) adamzat nesli dowam etmezdi we döwrebap dünýämiz bar bolmazdy. Şeýle-de her iki jynsyýetde bar bolan pozitiw ýa-da negatiw aýratynlyklar, umuman ähli zatlar nesliň sazlaşykly dowam etmegi üçin tebigat tarapyndan kesgitlenen zatlardyr. Şol sebäpli iki jynsyýetde-de gowy we gowy däl zatlar bar bolmak bilen, haýsy jynsyň gowudygy ähmiýetsizdir. Aýal bolup doglan üçin aýal bolmak, erkek bolup doglan üçin erkek bolmak, jemläp aýtsak ynsan bolmak gowudyr. 

Üçünji gürrüňimiz bolsa, başda aýdyp geçen makalam barada. Dogrudanam soňky döwürde erkekleriň käbiri bärde toý edip, ýene täzeden daşary ýurda işlemäge (ýa-da okamaga) gidýär. Gitmesine gidýär welin, täze gelnini ýanyna alman gidýär. Käbiri bir aýlyk aýalynam bu ýerde goýup arkaýyn gidiberýär. Bu dogry. Soňra täze gelinem üns isleýär, biraz tolgunşyk isleýär, söýgi we mähir isleýär. Heniz toý edilenine kän wagt geçenok, "är" diýip ýören öküzimiz bolsa daşary ýurtda. Bu ýerde "ol işlemäge gitdi" diýmänkäňiz işem bolsa, ajalam bolsa täze alan gelniňi taşlap, üstesine 3-4 ýyllap gelmezligiň gelnini söýmeýändigini görkezýändigini bir pikirlen. Söýen adam görmek islär. Üç ýyllap gelmedik bolsa, arasynda telefonda 2-3 gezek jaňlaşan bolsa nikaň barada alada edip oturma, söýýändigiňem aýdyp oturma. Soňra gelinem ärini göresi geler, onuň bilen wagt geçirmek islär. Ýöne soň ýuwaş-ýuwaş söýgi azalyp başlar, ýagny söýgüleri ölmäge başlar. Erkine eýe çykyp bilmeýän käbir gelinlerem başga erkeklere gyzyklanma duýup başlamagy mümkin. Kelleagyryk agza-da "aýal organizmi tebigat kanuna boýun egmeli bolýar. Ol köpelmeli. Nesil öndermeli" diýip belläpdir. Bulam dogry. Ýöne bu onuň ikilik etmeginiň dogrudygyny aňladmaýar. Eger nikaly bolup, başga kişiler bilen birlikde bolsa (aýal erkek tapawudy ýok) bu ol kişiniň dünýäniň iň haramzada ynsanydygyny görkezýär. Söýgi dynan bolsa aýrylyş, onsaň näme etseň et. 

Umuman täze gelnini taşlap daşary ýurda gidýänlerem, daşary ýurda gideni üçin özüniň söýgi mätäçligini başga kişilerde gözleýänlerem akmak adamlardyr.