Maňa bir ýerlerde ejem garaşýar
Çagalyk köwüşlerimi zyňmana dözmän
Men bolsa ýat ýerlerde sergezdan
Tapjak bolup ýörn göwnüni özgäň

Maňa bir ýerlerde ejem garaşýar
Ýatlap şol gün gulluga diýip gaýdanym
A men bolsa unutdym onuň sesinem
Diňläp şamy dünýäň aýdym aýdyşyn

Indi ýüzüm ýokdyr yza gaýdara
Gaýdansoň ýollar çolaşýan eken
Nirde bolsa-da niçik bolsa-da
Ejem maňa garaşýan eken

Dynman geçdi ömrümiň ýagmyry ýeli
Ýene öňde näçe güneş daňlar bar
Emma maňa bir zat berýär teselli
Maňa bir ýerlerde ejem garaşýar

17.10.2024ý