Dünýä geldiñ göwünleri hoş eýläp,
Eneñ-atañ dilegini duş eýläp,
Enaýyja gollaryñy bulaýlap,
Bu barlykda sen hem bir sanda,ynsan.

Köñülde täze bir dünýäni açyp,
Zemine öz yssy mährini saçyp,
Biminnet çagalyk tiz gider geçip,
Zerre arman bolmaz bu janda,ynsan.

Ýetginjeklik döwri bolmaz hiç ünjiñ,
Dagy süýşürjegñe bardyr ynanjyñ,
Süýji arzuwlaryñ-- baýlygyñ-genjiñ,
Hyýallaryñ durmaz hiç çende,ynsan.

Ýigitlik gelendir gädikden jyklap,
Yşk heseri bagra basar gujaklap,
Joşly ylham duýgularñy gyjyklap,
Şahyr dek joşarsyñ her günde, ynsan.

Aladañ ýetikdir kämillik çagyñ,
Miwesi ýetiler gül açan bagyñ,
Toý toýlarsyñ giñden ýazyp saçagyñ,
Bagtyýar adamsyñ jahanda,ynsan.

Garrylygam bildirer öz barlygyn,
Süññüñ gowşap ýitirendir terligin,
Dyzdan,bilden kuwwat gider günbe-gün,
Nesliñe ak ýoldur señ pendiñ,ynsan.