Heňlän duýgularyň hiňlenmesine
Diň salyp ses goşýan,
Söz däl,
Ses diňe.
Men– panyň myhmany,
Iň gelmişegi.
Duýdum şu gün şuny, gelip essime...
Ýadymda meň şol Babylyň diňinden
Gaçyp, seňselänim,
Çaşanlygym-da.
Derdim diýsem indi ene dilinde,
Düşünýän ýok,
Onsaň, başardygymdan,
Hiňlenýän içimde heňlän heňlere,
Ol, aslynda, iň eý görýän labzymdy.
Emma jyn gören deý bakdy hemmeler,
Gurt gören deý itler üýrdi, jabjyndy.
Jynlaram tisgindi geň görüp halym,
Bardy başda Süleýmanyň şyrdagy.
Şol Babylda kesek astynda galyp,
Ölmänligmiň ýasyn tutdum Şorda men.
Okan aýatlarmy aňlamadylar,
Diňlemedi olar lalyň heňini.
Heňlän duýgularym aldamadylar–
Neçüýn ýykdyň, Hudaý, Babyl diňini?!

Orazmyrat MYRADOW