Massimus vs Ahmedik_97 aýdyşyk

Massimus:
O nämedir urmaz, sögmez agladar,
O nämedir mydam göwnüň dagladar,
O nämedir ýollaryňy bagladar,
Şahyr bolsaň şondan bize habar ber.

Ahmedik_97:
Ol ölümdir urmaz-sökmez agladar,
Kapyrlardyr mydam göwni dagladan.
Doga-jady ýollaryňy bagladar,
Bizden salam bolsun, jogap şeýledir.

Massimus:
O ne ýerdir mahmal ýüpek geýmersiň,
O ne jaýdyr "altyn kapas" diýmersiň,
O ne mesgen gaýgy-gamy duýmarsyň,
Şahyr bolsaň şondan bize habar ber.

Ahmedik_97:
Ol gullukdyr, mahmal-ýüpek geýmersiň,
Türmelere «Altyn kapas» diýmersiň.
Ejeň gujagynda gaýgu-gamy duýmarsyň,
Şahyr bolmasagam, jogap şeýledir:)

Massimus:
O nämedir baryn-ýogun berdiler,
Ol kim, dabanynda jennet gördüler,
O haýsy är, agaç haja gerdiler,
Şahyr bolsaň şondan bize habar ber.

Ahmedik_97:
Ol talypdyr baryn-ýogun berdiler,
Musk-yň dabanynda jennet gördüler.
«Bäş X»-i agaç haja gerdiler —
Şahyr bolmasagam, jogap şeýledir:)

Massimus:
O nämedir görmediler, söýdüler,
O ne awy datmadylar köýdüler,
O ne gudrat görmesede duýdular,
Şahyr bolsaň şondan bize habar ber.

Ahmedik_97:
Interneti görmediler söýdüler,
«Dislike»-ni datmadylar doýdular.
«Swýaz»-lary görmese-de duýdular,
Şahyr bolmasagam, jogap şeýledir:)

Massimus:
O nämedir gözlerinde jady bar,
O nämedir kalpda öçmez ody bar,
Ahmetdenem galsyn jogap ýadygär,
Şahyr bolsaň şondan bize habar ber.

Ahmedik_97:
Eneşimiň gözlerinde jady bar,
Ýene şonuň kalpda öçmez ody bar.
Ahmetdenem galsyn, jogap ýadygär —
Şahyr bolmasagam jogap şeýledir:)))

Massimus vs Ahmedik_97 aýdyşyk,
29.05.2022ý.