Yzyn üzmän saňa ýazan hatlamdan
Ençeleriň sabyr käsesi doldy.
Ahyry geçirip seniň gapdalňa,
Tas-a menden geniý ýasapdy mollum.

Şondan soň synpdaky ähli meseläň
Çözgüdi gaşyma geldi ylgaşyp.
Matematikaň kanunyny depeläp,
Üç çykaran bordum bire bir goşup.

Droba ýetdi-de agsady durmuş,
Okuwňy gutarsaň, çykýan ekeniň.
Hany, sen entekler okajakdyň-a...
Egniň çekmejegin içiňe salsaň,
Ýüregiň daşyna çykýan ekeni.

Soňky gezek sägindiň-de ýanymda,
Sen-ä synaglardan geçdiň üçlüksiz.
Ençe ýyllap götersemem aňymda,
Sen şonda-da algebra deý düşnüksiz.

Amangeldi ÝEGENOW.