Içgysgynçlygyñ ýürege salýan howpundan goranmak üçin mawy ekrana tomaşa etmäge başlaýaryn.Görsem,täjik kanalynda hindi kinosyny rus dilinde ýaýlyma goýberipdirler.Geñ pikir eken.
Hindi kinolarynyñ gyzygy özüñize mälim pursatlaryñ içine girip gideniñ duýman galýarsyñ.Baş roldaky aktýor -Salman Khana seredip,pikre çümüpdirin.Birdenkä-de serimden bir ses gygyryp goýberdi.
-Gaty görme welin,durnuksyz-aý sen, Mahym!
-Näme boldy gyz,toba.
-"Sessiz söýgini" görüp Şahruha aşyk bolýañ "Şaluny" görüp Arjuna,"Janpenany"görüp Salmana,ýene birini görüp Hritnige.
-Nädeýin,bu aktýorlañ haýsyny görseñ şo gowy-da.
-Señ şulary hakykatda tanamaýanyñam gowy zat.Ýogsam,saýlabilmän heläk bolardyñ.
-Sen sorama.
-Göz özüñe getir şulañ barsyny hakykatda tanaýan bolsañ,olaram saña söz aýdaýsa.Haýsysyny saýlardyñ?
-Pikirlenerdim,pikirlenerdim.Ahyram "Oglanlar,bagyşlañ men hiç haýsyñyzam saýlap bilemok.Şahruh sen Aýişwärä,Salman senem Karena,Arjun senem Pritä söz aýdaýsana"diýerdim.
-O näme üçin,gyz? Saýlap goýber birini.
-Ine birden,Salmany saýlapmyşym-da,soñundan Hritnige göwnüm gitse näm işlemeli.Biwepalyk etdigim bolmazmy?
-Dogry logika.Kak bäşi!
-Bularyñ barsyny bir tarapa goýup aýtsam, Hindi kinolarynyñ gizlin maksady baş roldaky aktýora gyzlary aşyk etmek.Üns berip gördüñmi,hindi aktýorlarynyñ hiç birem kinoda hakyky durmuşdaky ýaly gyzlaryñ duýgysy bilen oýnaýan oglanlar däldir.Hemmesi duýgyçyl,hemmesi romantik,tansa ökde,owadan,figuraly.Beýleki bir tarapdan alsañ olaryñ hiç birinde-de aklyñy haýran edýän aktýorlyk ukybyny görmersiñ.
-Ýöne olar gynançly epizodlarda aglatmagy başarýarlar ahyry.
-Ýok,bizi agladýan olaryñ aktýorçylygy däl.Kinonyñ sazy.Saz ýeterlik derejede gynançly bolanlygynda aktýoryñ ukybyna hiç hili ätiýaç ýok.
-"Söýginiñ güýji"diýsem...
-"Söýgüniñ güýjine" on gezek tomaşa eden bolsam, onusynda-da aglandyryn.Ýöne munda Şahruhyñ aktýorlyk ukybynyñ täsiri uly.
-Diýmek,hemmesi ukypsyz däl eken-dä.
-Howwa,Şahruhy ukypsyz aktýorlar kategoriýasyndan çykaryp bileris.Meselem,onuñ ýüzüni titredip-titredip aglamagy başga hiç aktýorda duşmaýan bolsa gerek.Ýeri gelende aýtsam,onuñ Bollywood äleminde birinji orunda durmagynda rol oýnaýan zadam şol ukybymyka diýýän.Çünki owadanlykdan söz açsak ýokarda agzanlarym ondan has owadan.Üstesine-de Hritnikdäki,Salmandaky figura Şahruhda ýok.
-Munda mahabatyñam-a roly bardyr.
-Hökman.
-Sen hindi kinolaryny görüp ulaldyñ,häzirki nesil bolsa türk teleseriallaryny.Iki nesliñ arasynda bu tapawut bildirýärmi?
-Elbetde.Hindi kinolary bilen türk seriallarynyñ arasyndaky esasy meñzeşlik ikisinde-de söýgi,romantika esasy ideýa.Tapawutly tarapa gelsek,türk seriallarynda köplenç baş roldaky oglanyñ yzyndan ylgaýan gyz rollary agdyklyk edýär.Iki nesliñ arasyndaky tapawut hem şunda ýüze çykýar.Meselem,saýtda "Gyz oglana söýgüsini aýtsa bolarmy?" pisintli sorag soraýanlar bardyr.Ana,şol türk seriallarynyñ ýaşlara täsiri.
-Kinolarda gyzlar aşa gözel,oglanlar aşa görmegeý...
-Howwa.Kinolarda gyzlaram,oglanlaram hem ruhy taýdan hem fiziki taýdan birkemsiz.Onsoñ bulary görüp ulalan nesillerem çendenaşa gözel gyzlarda,görmegeý ýigitlerde agtarýarlar söýgini.Olardanam garaşan wepalylygyny görüp bilmeýärler.Onsoñ al saña, "Söýgüden ýandym" mowzuklary.
-Bollywoodda halamaýan aktýoryñ barmy?
-Bobby Deol we oñ doganyny hiç sulhym alyp bilenok."Antipatiçniý"görünýär maña.
-Bobby Deol sen diýip ölüp barýandyr.
-Şeýlemi?! Tanasam gowudyr belki.
-Durnuksyz diýsemem gaty görýäñ.
-Ýok,diýiber arkaýyn.
-Azajyk çynlakaýlaşaly.Bollywoodda iñ halaýan filmiñi sorasam...
-Hemmesem biri-birinden gowy.Ýöne iñ halaýanym Salman bilen Karenanyñ baş rolda oýnaýan "Janpena"filmi.Şonda Salmanyñ entek ýüzüni görmän diñe telefon söhbetdeşligi arkaly Karena aşyk boluşy...
Serimdäki ses bilen entegem gürrüñimi dowam etmekçidim welin kinonyñ aýdymly epizody başlanyp,ünsümi sowdy...


@Mümkin.