Bolýar,
Razymy sen unutjak dünýäñ,
Söýgüsine özge eýe
çykarna?
Küýsemezmiñ meni islän arzuwyñ,
Dideleñden gözýaş bolup
çykanda?
Gabanmazmyñ meni özge gujaklap,
Düýşleriñe talañ salsa egerde?!
Içki dünýäñ titremezmi gök kimin,
Arman bilen oýanmazmyñ säherde?!

Unutdyñmy,
Ýa unudan bolýañmy ?
Ýeñ astyndan seredeñokmy
gelerme ?
Sen üýtgediñ, men üýtgedim -kim biler...
Näme berdi ykbal bize deregne?

Meni undup gazanarmyñ
ýeke zat,
Pozuldymy düýnki ýazylan adym,
Sen bu gün nämeler gürleýäñ apat...
Mensizlik dälmidi ýigrenýän zadyñ...

Bolýar,
Razymy sen gülemde sensiz,
Ýa aglasañ ynjamazmy gursagym,
Ýeller bir gün ýetirmezmi
ahyñy,
Çaga deýin gözýaş döken
pursadyñ.

...Ýyllar ötüp özge ýigit keşbinde ,
Söýgi perişdesi sorasa halyñ,
Sen şol gün diýmezmiñ pyşurdap :
" Bir şahyr ýigitde gidipdi janym.."
...Pozmarynam, garalamam adyñy,
Sen mensiz çydasañ, menem çydaryn...

Allanur Çaryýew