Söýgi-duýgy gatnaşyklarynda ikitaraplaýynlyk möhümmi? Eger möhüm bolsa näderejede möhüm?
Arada söýýäniñi aýtmak hakynda köpüñ üýşen ýerleriniñ birinde gürrüñ edildi.Şonda adamlaryñ köpüsi söýgini hut söýen pursadyñda aýtmaklygyñ tarapdary boldular.Aslynda söýen kişimize söýgimizi aýtmak bilen nämäni maksat edinýäris?
Içiñde saklap,misli agyr ýük kimin göterip ýören duýgyñy beýan edip ýeñlemekmi ýa-da...?
Men aýdaýyn.Munda maksat asla pynhan syryñy aýdyp rahatlamak däl.Bu diñe maksada gidýän ýoldaky ädim.Onda maksadymyz näme?
"Seni söýýän" sözüniñ astynda ýatan gizlin many "Senem meni söýmeli".
Kimdir biri size söýýändigini aýdanda onuñ garaşýan jogaby "Menem seni" .
Eger garaşylan jogaby bermeseñiz söhbetdeşiñiziñ umytlarynyñ ýykylyşyna tomaşa edersiñiz.Hatda, onuñ sizi ýigrenmegi-de mümkin.
Geliñ, pikrimizi has çuñlaşdyryp ynsan psihikasynyñ çuñluklaryna aralaşalyñ.Biz näme üçin söýýäris? Bizi muña iterýän zat näme? Ynsany söýmäge iterýän itekleýji güýç söýülmäge bolan islegdir.Ynsanyñ añastynda ýatan pikir : "Eger söýülmegim üçin söýmegim gerek bolsa,men muny amala aşyryp bilerin".
Gürrüñimiñ şu ýerinde türk şahyry Nazym Hikmetiñ döredijiligine degişli bolan söýgüli setirlerimi mysal getiresim gelýär:

Sen almany söýýäñ diýip,alma-da seni söýmäge mejburmy?!

Şahyr mamla.Biziñ kimdir birine inçe duýgularymyzyñ barlygy onuñam bize şeýle duýgularda bolmalydygyny añlatmaýar.Biziñ söýen kişimizem bizi söýmäge mejbur däl.
Goý,garşymyzdaky ynsan bizi biziñ ony söýşümizçe söýmesin.Şahyr aýtmyşlaýyn,söýginiñ hasraty-da eziz dälmidir?!

@Belki