Asman düzlüginde çapyşyp,
Çakyşyp,
Kowalaşan bulutlar,
Agsaklaşyp,
Aryp, gele-gelmäne
Zeminiñ üstüne derin seçdiler.
Men bolsa, şol ýagýan çagbañ astynda
Garaşýaryn,
Wada beren söýgime,
Ezilip başlanda zeminiñ üsti,
Kalbyma ot salan zeleliñ üsti.
Uçradyp...
Owradyp,
Syzlap duýduran
Kebzämi sançgylan
Ýaşlyk söýgime.
Garaşýan...
Bagta gulaçlan,
Hyýalymyñ şirwan perdesin çalyp,
şadyýanja hiñlenýärin aýdyma,
Gözümiñ içi umytdan doly,
Lowlap duran ot bolup,
Garaşýan...
Bugaryp başlapdy saçym,
Ýanardagyñ magmasy çogup,
Dilimden paýyş sözler bilen bezelip,
Daşymdan hüñürdi,
Içimde ýalyn...
Gelmedi...
Ondan bäri geçipdir,
Tas kem çärýek asyrym.
Käte ýatlaýaryn,
Sypap asfalta öwrülen başym...

Remezan Mämetgurbanow