Senden soñ yürek galmady,
Gijeler göz yaş dynmady,
Ýa şu edenleñ azmydy?,
Kalbym hasrat çeker ýaly.

Senden soñ ýalñyzlyk basdy,
Galan deýin mende kasty,
Söýgi barmyka bir asly?,
Öñünde dyz çöker ýaly.

Ýazjagym iki setirdi,
Yzy bolupdyr güpürdi,
Duýgylam salam getirdi,
Senden, gizlin çapar ýaly.

Käte duýduryp bardygyñ,
Öñko günlere zardygyñ,
Göwnüm iññe däl ahyry,
Üzüp, ýene sapar ýaly.

Daş gulak, gelýär myş-myşyñ,
,,Ýene gelse" diýýärmişiñ,
Ynam gögerenok düşün,
Orup, ýene eker ýaly.

Oýlasam derdimiñ emin,
Şükür, kem edenok kemim,
Hawa, ýaşap ýörün menem,
,,It ýandakdan böken ýaly"...

Awtory: Baýram Bejidow