Geçmişiñ çolaşan ýumagyn söküp
Henizem sen meni ýatlaýañ gerek?!
Ýalñyzkañ otagda göz ýaşyñ döküp
Armanly günlere ätleýäñ gerek?!

Keşbimi küýsäñde suratym jyklap
Kalbyñy ýalandan şatlaýañ gerek?!
Hyýalyñda ötünç sorap, gujaklap
Söýgüde özüñi aklaýañ gerek?!

Ömrüme ýakymly ýatlama diýip
Menli günleriñi toplaýañ gerek.
Aýralygyñ ýyrtyk donuny geýip
Janyñy ataşa oklaýañ gerek.

Bir namardyñ ýazgarylsa edeni
Sessiz başyñ egip haklaýañ gerek?!
Mälim saña kimiñ kimden gideni
Öz-özüñden kine saklaýañ gerek?!

Içseñde ençeme küýzeleñ suwun
Kepän ýüregiñe ýetmeýär gerek?!
Git indi! Söýgüñi manat deý sowun
Maña menden geçip gitmeýän gerek!
Awtor.Nurekowa Gülnäz