Gör ne elhenç ýagyş ýagýar daşarda,
Meňzäp kalbymdaky harasatlara.
Ýüregimi persala edýän bu söýgi,
Goýmady göwnümde parahatlygam.

Aldyň sen aňymdan akyl huşymy,
Galmady elimde eradam erkim.
Bu duýgymy gursagymdan çykarsam,
"Gerçek däliräpdir" diýerler her kim .

Ömür baky girdiň göwün depderme,
Ony bozguç bilen aýryp bilemok .
Men seni şeýle bir , şeýle bir söýýän ,
Söýgümi söz bilen aýdyp bilemok .

Aýtsana Şirinaý jadygöýmiň sen,
Göwnümi gursakdan soguryp barýaň.
Gel söýgülim bezegi bol dünýämiň,
Gör-ä ýaşlygmyzam sowulyp barýar.

Gal melegim göwnüm ýokdyr başgada,
Gel melegim bolaly bir maşgala .

© Gerçeknazar AMANNAZAROW