Toý gutlagy

Gutlamana geldik bu gün ,
Dostum toýuň gutly bolsun .
Eşidip begendik bu gün ,
Gerçek toýuň gutly bolsun .

Gadamlaryň batly bolsun,
Ömrüň süýji,datly bolsun
Hem ojagyň otly bolsun
Dostum toýuň gutly bolsun

Ene-atalar guwansyn,
Dost-ýarlarňyz begensin
Toýuň çawy dünýä dolsun
Dostum toýuň gutly bolsun

Gerçek , Dürli goşa derek
Bir bolýar gör iki ýürek
Beýle bagt bolýar seýrek
Dostum toýuň gutly bolsun .

* * *


Saýra bagşym

Saýra bagşym owazyňa döneýin
Saýra bilbil kimin gülüň yşgynda
Aýdymlarňy diňläp-diňläp ganaýyn
Gözelligi wasp et bagtyň keşbinde

Gaýna bagşym gaýna köňül joşsunla
Göwünlermiz ganatlansyn guş bolup
Aran ýüreklere bol sen teselli
Gaýgy-gussa gitsin bizden daş bolup

Ýaýna bagşym bu eşretli eýýamyň
Lezzetini duýup , söýüp ýaşa sen
Belentden ýaňlansyn mahmal owazyň
Adyň baky ýüreklerde ýaşasyn

© Gerçeknazar AMANNAZAROW