Biakyla yzzat etseñ,
Iým iýen eşege meñzär.
Baakyla yzzat etseñ,
Zer siñen kaşyga meñzär.
...
Ärler geçdi äriñ hasy,
Berse ýetişmez bahasy.
Agyr iliñ kethudasy,
Gum siñen düşege meñzär.
...
Gözeller bar bagu çemen,
Baha berseñ ýüz müñ tümen.
Ýagşynyñ ýanynda ýaman
Har bilen haşama meñzär.
...
Her gopbamsy iş hoşlasa,
Özüni orta taşlasa,
Märekede gep başlasa,
Oglana uşaga meñzär.
...
Eger bolsañ iliñ iti,
Ölinçä eýle hyzmaty,
Gurt oglunyñ nesihaty
Üzülmez duşaga meñzär.