Sag-aman ýördüñizmi gowjalar."Dañ bilen señki näme?"diýseñizläñ.
Beýik Islenen akyldary Gültäç mollumyñ bir meşhur sözi bar:"Islenende nol bolaýyn,ýarymyñ güli bolaýyn".Gültäç mollumyñ şu sözünde ähli gyzlaryñ arzuwy jemlenen.
Gyzlar,bu günki mowzugymyz diñe size degişli.Adynda-da aýdyşym ýaly oglanlara gelmek gadagan.Hiayres agza aýtmyşlaýyn "Gadagan etmeklik motiwasiýa oýarýar".Mowzugyñ adyny okan oglanlar "Bäh,beýle näme diýjekkä bu Belki gepçi?"diýip bilesigelijiliklerine bäs gelebilmän mowzugyma çozarlar häzir.Ýeri bolýa,oglanlaram gelibersin.Olaram öz pikirlerini aýtsynlar.Näme-de bolsa olaram adam :)
Bir gezek talyp döwrümde bile okaýan bir gyzymyzyñ duralgada ýanyndaky gyzlara berýän gürrüñini eşidipdim.Täze guda bolunan bu gyzymyz ilkinji duşuşyga makýajsyz gidipmiş.Dogrusy,ol wagtlar ilkinji duşuşyg-a añyrda dursun,okuwa-da makýajly gidýärdik köpümiz.Şonuñ üçin haýran galypdym gürrüñine.Sebäbi gyzymyz garaýagyzja gysgajyk boýly gyzdy.Makýaj etse,belki,owadanam görnerdi.
Onuñ bu sözleri öýe gelemsoñam serimden aýrylmady.Bir tarapym-a oñ edýäni dogry diýýär.Sebäbi sen ol oglan bilen durmuş guranyñdan soñ öýüñde makýajly gezip bilmersiñ.Oñky soñundan boljak zady öñünden görkezmek bolýar.Bir tarapymam diýýär:Häzir sen makýajsyz gitseñ,olam seni halamasa.Ilkinji duşuşykda galjak täsirler möhüm.Bezenmän bolasy ýog-a.Onsoñam,kirpik dakdyryp salona girmek hakynda gürrüñ edemzok.Ol eýýäm seni başga adama öwürýär.Meñ diýýänim ýöne öý şertlerinde,başardygyñça makýaj etmek.
Indi gyzlar size soragym:Ilkinji duşuşyga makýajly gidersiñizmi ýa makýajsyz?
Mowzugyñ adyny okasa-da bilesigelijiliginden mowzugyma gelen oglanlar size soragym:Siz gyzlary ilkinji duşuşykda makýajly görmek isleýäñizmi ýa makýajsyz?
Awtobusa münmedikler münsün,münenler otursyn,sygmadyklar dik dursun,dik duranlar berk ýapyşsyn.Hany onda gitdik.

Bellik 1:Meniñ "Hany onda başladyk" "Hany onda gitdik"sözlerimi ogurlan Hiayres we Ejegyz agzalar bar arañyzda."Ogurlyk eden uýalmaz,üstüne gelen uýalar"diýýär türkmen.Olar meñ sözümi aldy welin,indi şol sözi ulananymda özüm olardan ogurlan ýaly utanýan.Utanjañ agza-da men :) Beýle bolmañ agzalar.Iñ bolmanda "Belkiñ aýdyşy ýaly"diýiñ.
Bellik 2:Käbir aýdanlarymy şahsy durmuşym bilen baglanyşdyrýanlar bar arañyzda.Arkaýyn oturyñ,hiç kim bilen duşuşyga gidemok :( :)