-Owaly-ha bergi etme, bergi etseň-de başga respublikadan, başga oblastdan, hiç bolmasa-da başga raýondan bolsun. Bularyň hiç birisi-de başa barmasa, onda goňşy obaňyzdan al. Öz obaňdan bergi etseň, karzdaryň her gün sataşyp ynjalygyň gaçar.
***
Jaý salmazyndan öňürti şol ýerden guýy gazyp gör. Eger suwy süýji çyksa onda jaýyňy başlaber. Ajy çyksa-da salyp bilersiň. Ýöne, soňra suwy özüň getirmelidigini unutma.
***
Çagaň ýokary okuw jaýyna okuwa girse, gowusy, diplomyny eline alýança ýanyna göçüp bar. Eger şeýtmeseň, onda her egzamynynda yzyndan gatnap, halys tozarsyň.
***
Asmanda görünýän zatlaryň haýsysy boljak diýseler, bulut bir bolma. Bir gezek ýagsaň-da, ýyl boýy seni bahana ederler.
***
Owal-a arak içme. Içip serhoş bolsaň, köçede ýatanyňdan huşagetirijide ýat. Köçede ýatsaň hemme biler, huşagetirijide ýatsaň diňe işleýän ýeriň.