Salam agzalar!Düýn agşam Gözelligiñ (@Nairobi) açan mowzugyny okap bagt toýlarynda jübütleriñ wals tansy ýerine ýetirilende goýberilýän aýdymlar ýadyma düşdi.Özüm-ä toýuñ sebäpkärleri toý edilýän ýere gelip,wals tansyny ýerine ýetirenlerinde goýberilen aýdymlara aşa üns berýän.Köpüsem ýadymda galýar.Meselem bir synpdaş gyzymyñ bagt toýundaky wals tansynda Keminäniñ sözlerine döredilen "Diliñ derdinden"aýdymynda wals edipdiler.Toýuñ sebäpkärlerini-hä biljek däl welin men-ä gaty duýgulanypdym şonda:

Aşygam saklana bilmen
Saýraýan diliñ derdinden
Bilbilem uklaýa bilmen
Gyrmyzy gülüñ derdinden

Sen Şasenem,men Şasuwar
Garybyñ men kyl istiwar
Ýada salsam agzym suwar
Dodakda balyñ derdinden...

Başga bir synpdaş gyzymyñ toýunda Jemal Saparowanyñ "Leýlisaç"aýdymynda wals edipdiler:

Gül büräp degre-daşyñy
Ýeller sypamyş saçyñy
Hany bak galdyr başyñy
Men seniñ ýanyña geldim...

Goñşymyñ gyzynyñ toýunda şu aýdymda wals edipdiler:

Bu jahanda
gözleriñ deý
ýarym özge gözler ýok
Pynhan-pynhan
Sözleriñ deý
Özge mährem sözler ýok.

Ir säherler oýanamda
Señ mähriñi duýsadym ýar
Ýaşaýarsyñ sen kalbymda
Bu söýgini duýsadyñ ýar...

Goñşymyzyñ ogly öýlenende meşhur aýdymçylaryñ köpüsini getiripdiler.Şolaryñ birem Jeren Halnazarowady.Wals tansyny hem şonuñ aýtmagyndaky "Soñuna çenli"diýen aýdymda ýerine ýetiripdiler:

Ömrümiñ
soñuna,soñuna,soñuna çenli
Sowama,sowama,
Sowama soñuna çenli
Söý meni.

Bir işdeşimiñ Ogulşat atly gyzy durmuşa çykanynda şu aýdymda wals edipdiler:

Ogulşat,gözleriñde gam bar
Bilmedim ýüregiñde kim bar
Dem alsam demimde demiñ bar
Meniñ senden başga kimim bar...

Goñşy köçedäki gyzyñ toýuna meşhur aýdymçylaryñ köpüsi ýygnanypdy.Şolaryñ birem Amaliýady.Wals tansyny hem şonuñ aýtmagyndaky "Meni" diýen aýdymda ýerine ýetiripdiler.Olam romantik bolupdy:

Janym,meni,meni al meni
Ýene ýanyña al meni
Söý meni meni diñe meni
Ezizim ömürboýy söý meni.

Siz indi sorarsyñyz:"Näme üçin munça gepi otaryp oturka"diýip.Size berjek sowalym şu: Durmuş guranlar bagt toýuñyzda haýsy aýdymda wals edipdiñiz? Durmuş gurmadyklar haýsy aýdymda wals etmek islärdiñiz?Mundan daşary hem,gören toýlaryñyzdaky wals aýdymlaryndan halanlaryñyz?