Bir adam Hezreti Alynyň öýüniñ gapysyny kakyp dileg edýär.
Hezreti Aly ýanynda oýnap ýören iki ogluna:
- Baryñ, ejeñizdäki alty dirhemi getiriň - diýýär.

Hezreti Alynyň sözlerini eşiden Patma:
- Ol puly un satyn almak uçin goýduk ahyryn - diýýär.

Hezreti Aly:
- Allatagalanyñ çäksiz baýlygyndan umyt etmän, sadaka çykarmaýan adamyň imany güýçsüz bolýandyr - diýýär we alty dirhemi-de dileg bilen gelen adama berip göýberýär.

Şol gün bir adam düýe satmak üçin Hezreti Alynyň ýanyna gelyär. Hezreti Aly onuñ düýesini bir ýüz kyrk dirhem berip satyn alýar we şol günüň özünde hyrydar tapyp, satyn alan düýesini iki ýüz dirheme satýar. Ol gazanan altmyş dirhemini Patma eltip berýär. Patma Hezreti Alydan:
- Bu näme? - diyip sorayar.

Onda Hezreti Aly:
- Bu Allatagalanyň seniñ kakaña beren sözi, ýagny kimde-kim gowy, haýyr iş etse, oña şol eden haýyr işi üçin on esse ýa-da şonuñ ýaly haýyr gaýdyp gelyändir - diyýär.