Soňky döwürler ukym tutanok. Gijelerine gözüme çiş kakylan ýaly. Näme etsemkäm?
- Gözüňi ýumup içiňden ýüze çenli sana, basymjak uka gidersiň.
- Sen ýüze çenli diýýäň. Men ýüz müňe çenli sanamaga synanyşdym.
- Ýeri, onsoň näme boldy?
- Aý, otuz müňe golaýlaberemda daň atdy. Menem turup ertir çaýymy içdimde işe gaýdberdim.

* * *

Adamsy aýalyna:
- Mähribanym, saýla! Sen daşary ýurda gezelenje gitjekmi ýa-da saňa daşary ýurt paltosyny alyp bereýinmi? Haýsysy?
Aýaly:
- Bilýänmi, ezizim! Gowsy, daşary ýurda gezelenje gideli. Ol ýerde gowy paltolar köpmüş.

* * *

Är-aýal elleri goşly uçar menziline gelýärler. Adamsy aýalyna:
- Ýene-de bir gezek goşlaryňy barla. Ýatdan çykan zat bolaýmasyn-diýipdir. Aýaly goşlary barlaşdyryp görýär-de:
-Diwan, diwan - diýip elewräp başlaýar. Adamsy geň galyp:
- Sen näme dälirediňmi? Ýeri bu ýerde diwanyň näme geregi bar- diýipdir.
- Wah, şool diwanyň üstünde biziň pasportlarymyz bardy-da.

* * *

Bir garry ýaşuly awtobusa münüpdir. Oturmaga boş orun ýok. Hiç kim hem ýer berenok. Orta ýaşlaryndaky bir aýal:
- Häzirki ýaşlara nä döw çaldyka? Ýaşula dagy ýer bereýinem diýenoklar- diýip gaharly hüňürdäpdir. Muny eşiden oturgyçda oturan bir oglanjyk akyllysyrap:
- Ýaşuly, siz meň ýanyma gelip duruň. Men inniki duralgada düşýän. Onsoň siz meň ýerimde oturarsyňyz - diýipdir.



Makalaň metbugat çeşmesi: " Esger" gazeti