Her garaýşyň arkasynda bir pikir, her gijäniň arkasynda bolsa bir gündiz bardyr.
Her ýoklukdan bir barlyga, her päsgelçilikden bir mümkinçilige ýol açyp bilersiňiz.
Kynçylyklarňyzdan ders almagy başaryň. Işsizlik-güýçsizlikdir, mätäçlikdir, açlykdyr,
dertlilikdir, terk edilişdir, çäresizlikdir, ejir çekdirmek we ejir çekmekdir. Hiç kim işsiz
galmak islemez emma galaýanyňda-da çäresini gözlemek zerurdyr.
Aristotel

Robin Gud we Konfutsi
Meniň çagalyk gahrymanym “baýlardan ogurlap, garyplara paýlan” Robin Guddy.
Onuň ýerinde bolmak isleýärdim. Uniwersitetde hukuk dersini okanymda ogurlygyň
jenaýatdygyna göz ýetirdim. Bu gezek aklymda Konfutsiniň meşhur “balygy tutup
bermäň, balyk tutmagy öwrediň!” pähimi has täsir galdyrdy.
Bir gün hyýalymda Konfutsiniň paýhasy bilen Robin Gudyň ugurtapyjylygyny
birleşdirdim. Näme etmelidigim şondan soňra aýan boldy.
Meniň wezipäm:
Meşhur adamlaryň nähili meşhurlyk gazananyny öwrenmek we ol maglumatlary
toplap, seminarlaryň we kitabyň üsti bilen üstünlik gazanmak isleýänleriň dykgatyna
ýetirmek.
Bu ugurda meşhur adamlaryň az hem bolsa sanyny köpeltmek isledim.
“Üstünligiň syrlary” atly kitabyň beýleki kitaplardan artykmaçlygy:bu kitap
üstünligiň syrlary we hekaýalary bilen üstünlik idealogiýasyny goraýar.

Durmuş – bu bir synagdyr
Durmuş – bir synagdyr. Başdan aýak bir synag. Eger-de durmuş hakyky bolan
bolsady, nirä gitmelidigimiz we näme etmelidigimiz hakynda takyk bir maglumat
aýdylardy. Haçan-da bu pikir aklymda peýda bolanda gereginden artykmaç
aladalanmazlygyň gerekdigi ýadyma düşýär. Çünki, artykmaç aladalanmak – öz-özüňi
bir ýandan tüketmäge başlamakdyr.
Durmuşda ähli duş gelýän päsgelçiliklere bir synag ýa-da synaglar toplumy
hökmünde garalanda garşyňa çykýan päsgelçilikleri - kämilleşmegimiz üçin bir pursat
diýip pikir etmäge başlarsyňyz. Elmydama başarmak mümkinçiligiňiz bardyr.
Öz üstüňizde bir tejribe geçirmegi başararmysyňyz? Şu wagt ýetginjeklik
ýyllaryňyzda bir kiçijek aglak çagaňyz ýa-da siziň üstüňizden basýan başlygyňyz bar
diýip pikir edeliň. Bu ýagdaýa “Kynçylyk däl-de”, syna hökmünde garaň we özüňize bu
ugurda dürli soraglar beriň:
- Bu ýagdaý näme sebäpli diňe maňa gabat gelýär? Onuň sebäbi näme we men bu
päsgelçiligi ýeňip geçmek üçin näme etmeli? Maňa bu ýagdaýy synag hökmünde göz
öňüne getirmek mümkinmi?
Bu tejribäni özüňizde geçirmegi başaranyňyzda şertleriň üýtgeýändigine göz ýetirip
bilersiňiz. Şuny ýatdan çykarmaň!


- Päsgelçilikleriňize synag hökmünde garaň! Çünki, bu başarmagyň
zerur şertidir.

"In beyige cykmak ucin hem in pesden baslamak gerekdir."

Şuňa düşünmeýän saýtdaşlarymyzam bar gynansak-da.

Dogry aýdylan setirler.