Ukrainada hasabata alynan köpçülikleýin jynsy taýdan zorlugyň sany köpelýär. Bu mesele şuwagt BMG-nyňam öňünde dur. Ýarag bilen haýbat atmak ýa-da öldürmek haýbaty bilen edilen bu jynsy zorlamalar sebäpli Estoniýada protest hereketleri geçirildi.
AFP mediýasyna interwýu beren bir Ukrainaly aýal, dükana zat almana baranynda, dükanyň eýesiniň özüni Russiýa esgerlerine görkezendigini, we rus esgerleriniň oňa Nasi partizany diýip, bir jaýa getirip özüni kösändigini aýtdy. Iki sany çagasynyň bardygyny aýdan aýal, "biri-birlerine gezek sende diýmekden başga hiç zat gürlemediler" diýdi. Sözlerini aglap aýtýan aýal, äriniň Donbasda wezipeli esgerdigini hem aýtdy. Intek hiç hili psihologik kömek almandyr we diňe AFP mediýasyna birinji gezek dile getiripdir. Psihologiýasynyň bozulandygyny aýdan aýal, "ýaşamak islämok" diýip aýtdy.
Kiýew häkimiýeti hem bu meselede köp hasabat alýandyklaryny bildirdi. Ýene bir wakada bolsa, rus esgerleri ejesi bilen 17 ýaşly gyzyny kösäpdir. Intek wakalaryň mundanam köpdügi, bilinmän ýatan ençeme jynsy zorluk wakasynyň bardygy aýdylýar.
Estoniýada aýallar, rus esgerleriniň Ukraina aýallaryna eden zalymçylygyna garşy protest hereketleri geçirdi. Bir topar aýal, Russiýa ilçi binasynyň öňünde, elleri daňylgy we kellesi gara mata bilen örtülgi, bilden aşagy ýalaňaç şekilde duryp Russiýa garşy sözler aýtdy. Estoniýaly aýallar "Russiýa we Putin režimini goldaýanlar genosid etmek bilen deň derejelidir" diýdi.