Sen görmeýän bolsaň onna gözlerme,
"Jadyly" diýenler aldandyr belki.
Onda tebigat nä güldikä şo gün ,
Ýa gülkä meňzedip aglandyr belki.

Şahyr üçin huş näme ýa düýş näme?!
Düýş görmäge gerekmeşmi güýç näme?!
Bagtam saňa- maňa tarap süýşmäge
Kömek gerekdigini aňmandyr belki.

Menä başym dikkä zeýrenip bilmen ,
Wagt elin uzatýa eglenip bilmen,
Her bir kütek bilen deň bolup bilmen,
Sende üşük-duýgy az bardyr belki.

Nesibäň kem eken gynandym juda!
Diýdiň " Dem almamam kynaldy juda"
Ýa men sen tarapdan synaldym juda?!
Sende bir keramat hal bardyr belki.