Aşyk deý beýnili çykar her ýerden
Sürüsi agsaksyz, kemsiz il bolmaz,
Sapyny kebşirläp saplan gumhanañ,
Berçini ýetmese oñly pil bolmaz.

Ýüzdäki ýygyrdy geñleşip ýörmäñ,
Öñe sary eñiñ, heñleşip ýörmän,
Dile gelenini hañlaşyp ýörmäñ,
Ýürekler ownasa görkde hil bolmaz.

Alla akyl berdi, aýrylma huşdan,
Berilen akyly geçirme duşdan,
Gaharyñ möwç alyp çowanda içden,
Sabryñ damjalary, damsa köl bolmaz.

Günäsiz dogulduk, baglandyk emmä,
Magtama baýlygñy buýsanyp teññä,
Täleýi owaldan çyzylan hemmäñ,
Alla emir etse lagta ö:l bolmaz.

Baýram BEJIDOW