Salam arzylylar! Sag salamatmysyňyz?! Siziň nurana ýüzüňizden hiç haçan ýylgyryş, mähir, sylaşyk aýrylmazlygyny diläp, mowzuga başlaýas. Bu gün saýtymyzyň iň şadyýan, käwagty dagy iň aktiw, iň gyzykly we lälik agzasy hanym @Nairobi bilen ýakyndan tanyşarys. Düzgünlerimiz şol öňki.
Mugallym taýyn bolsa başlaly:
1. Özüňiz barada gysgaça gürrüň beräýiň. (awtobiografiýa).
2. Näme üçin @Nairobi. @Janita, @Angeloçka, @Prinsessa ýa-da @Babulýa däl?
3. Durmuşyňyzdaky iň bagtly günüňiz barada gürrüň beräýiň. (Okuwa näçe bilen girdiňiz?).
4. @Nairobi iň şadyýan agzalaryň biri, ýöne, onuňam gynanýan, strese düşýän wagtlary bolýandyr, beýle ýagdaýdan nähili çykyp gidýärsiňiz?
5. Şahsy durmuşyňyz barada gürrüň beräýiň. (Size öýlenesi gelýän ýigitde bolmaly aýratynlyklar haýsylar).
6. Söýýän bagtlymy ýa söýülýän? Näme üçin?
7. Aýdaly, okuwda gowy görüşýän joraňyz bar. Elbetde o ýerde men ýaly görmegeý oglanlaram bar diýeli. Joraňyz ikiňiz bir oglany haladyňyz, olam suw meýilli gurbaga ikiňizden biriňizi saýlap bilenok. Söýgüni saýlardyňyzmy ýa dostlugy?
8. Eliňizde mikrofon, iň ýigrenýän adamyňyz Sizi diňleýär, näme diýerdiňiz?
9. Gyzlardaky iň esasy zat owadanlyk däl diýýän erkekler owadan gyzlary yryp bilmeýän erkeklerdir. Öz owadanlygyňyza 100 bally sistemada näçe bal goýardyňyz?
10. Özüňizi ertekilerdäki haýsy gahrymana meňzedýärsiňiz?
11. Durmuşda ýitirenleriňiz we tapanlaryňyz hakynda iki agyz...
12. Erkekler aşgazany bilen söýýär diýen nakyly bir çişik daýy oýlan tapanmyş. Haýsy naharlary gowy bişirip bilýäňiz?
13. Men owadan, menden maýmyn owadan. Şu sözlemdäki iki sany ýalňyşy tapyň?
14. Öň zenan mugallymlara mugallyma diýilýärdi. Häzir ýene mugallym diýip üýtgedipdirler. Näme üçin? (Ýa erkeklerden bir harpam bolsa artyk bolmasyn diýdilermikä?)
15. Agzalara başga-da hökman aýtmaly diýip hasaplaýan zatlaryňyz barmy?
16. Goý Siziň janyňyz sag, başyňyz dik bolsun, ata Watanymyzyň iň şadyýan, bagtly zenanlarynyň biri boluň.
17. Agzalar sizem özüňizi gyzyklandyrýan soraglary sorap bilersiňiz, sag boluň!