Gowy maslahatlar

Dogryny aýtmak däl, düşündirmek kyndyr.

Bikärlik we ýaltalyk hiç bir duşmanyň edip bilmejek zyýanyny eder.

Şowsuzlyk gutarnykly ýazgyt däldir.

Hiç kim leňňeje göni ýöremegi öwredip bilmez.

Wagtynda boýun alnan ýalňyşlyk ýalňyşlyk däldir.

Ýeňiljeginden gorkýan hemişe ýeňilýär.

Başgalaryň ýalňyşlyklaryndan sapak al. Ählisini özüň eder ýaly ömrüň uzak däl.

Dişi agyrýanlar dişi sagdyn bolanlary, garyplygyň ejirini çekenler puly köp bolanlary bagtly saýýarlar.

Nebis üç uçly tikendir, nähili goýsaňam çümer.

Agaç näçe ýokarda bolsa-da, ýapraklary bary-bir ýere düşer.

Uruşda söweşenlere garanyňda, gaçanlar has köp heläk bolýar.



Diňe şatlyk, diňe bagt däl. Dünýäde gussalaram adamlar üçin.

Tupanda berlen wada asuda howada unudylýar.

Eger-de gitmäge bahana tapsaň, gelmezlige hem bahana tap.

Birine palçyk atmankaň pikir et we unutma, ilki bilen seniň öz eliň hapalanjakdyr.

Puluňyzy eşikler üçin däl-de, syýahat etmek üçin harçlaň. Siziň nähili aýakgap geýýäniňiziň näme parhy bar, eger-de onuň bilen diňe şu şäherde aýlanýan bolsaňyz?!

Men durmuşymyň ssenariýasyny kimiň düzýändigini bilemok, ýöne bir zady anyk bilýän, onda degişme duýgusy bar.

Belki, bu dünýäde sen bary-ýogy adamsyň, ýöne kimdir biri üçin sen tutuş dünýä deňsiň.

Kalbyny oýarmagy başarsaň, islendik zada-da jan girer.



Kimdir birini küýsemegiň iň erbet ýagdaýy - onuň bilen bile bolsaň-da, onuň hiç wagt seniňki bolmajakdygyna düşünmek.

Ejizler güler, batyrlar kömek eder.

Sen nähili gowy bolaý, adamlar seni ýigrenmäge hökman sebäp tapar.

Dymmak - iň güýçli sesleriň biridir. Ol gulagy däl-de, ýüregi ýyrtýar.

Iň agyr ýüki ejem göteripdir. Dokuz aý garnynda, bir ýyl gujagynda, üç ýyl elinde we bir ömür ýüreginde.

Hiç wagt ýaramaz we binamys adamlardan ar alyjy bolmaň. Diňe üstünlikli boluň, olar muňa çydap bilmez.

Hiç-haçan bir zada göwnüýetmezçilik etmäň. Nokadam gaty kiçi zat, ýöne uly sözlemi jemleýär.



Her göreniňe ynanyp ýörme, duzam daşyndan şekere meňzeýändir.

Bahyllar maňa kerpiç zyňýarlar, men olardan imperiýa gurýan.

Beýlekileriň dünýägaraýşynyň çäkliligi sebäpli hiç wagt özüňizi çäklendirmäň.

Şu döwürde adamlar hemme zadyň bahasyny bilýär, emma gymmatyny bilmeýär.

Adamlary zaýalaýan garyplyk bilen baýlyk däl, görüplik bilen gysyklyk.

Barlygyňda senden gorkýan, ýoklugyňda seni ýigrener.



Adama hemişe maslahat gerek däl. Goldaw berjek el, diňlejek gulak, düşünjek ýürek gerek.

Hiç-haçan meniň häsiýetimi meniň gatnaşyklarym bilen deňemäň. Meniň häsiýetim maňa bagly, gatnaşyklarym bolsa - seniň özüňi alyp barşyňa.

Ýüz gezek goldaw ber - unudarlar, bir gezek ýüz dönder - bütin ömrüne ýatlarlar.

Perişdeler bardyr, ýöne ýerde olary "Eje" diýip atlandyrýarlar.

Eger-de siz kimdir birine parhsyz däl bolsaňyz, onda hemişe siziň üçin wagt tapylar.

Başgalardan gelýän kemsitmelere we gybatlara wagtyňy ýitirme! Eger-de maýmynlar gürlemegi öwrenen bolsalar, bu olaryň hakykaty aýdýandygyny aňlatmaýar.

Eger adam agyryny duýýan bolsa - ol entek diri, eger başgalaryň hem yzasyny duýýan bolsa - ol entek adam.

Sen hakykaty aýdýaň, ýöne hakykat hemişe adalatly däl.

Demirem kä halatda adamyň ýüregine seredip, özüne şükür edýär.

Eger bir aç iti doýursaň, ol hiç-haçan seni dişlemez. Şunda adam bilen itiň prinsipial tapawudy duýulýar.

Näme görýändigiň nirä seredýänligiňe baglydyr.

Kölegeler ýagtylygy ýitirýän däldir.

Bagyşlamagy başaryň, çünki bagyşlamak güýçlilere mahsusdyr. Ejizler hiç-haçan bagyşlamaýar.

Adam beýiklikden däl, şol beýiklikden ýykylmakdan gorkýar.

Hemme zady düşündirip bolar, ýöne her kime däl.

Haçan-da birine palçyk zyňmankaň pikir et: Oňa degmän biler, emma seniň eliň hapalanjakdyr.

Dagyň ýokarsynda duran adam asmandan düşen däldir.

Gynansak-da, kemsidilen duýgular ölmeýär. Olar dymmaga mejbur edildi. Olar adama içden täsir etmegini dowam edýär.

Ýüzüp bilmeýän adamyň gark bolup barýany halas etmek üçin özüni derýa oklamagyny düşündirip bolarmy?



Bagyşlamak - gül gysylyp mynjyradylanda onuň sowgat edýän hoşboý ysydyr.

Ýaltalyk ähli işleri kynlaşdyrýar.

Ýigrenýäňmi? Diýmek, seni ýeňdiler.

Käbir adamlar şeýle bir garyp, hat-da olaryň bar zady - diňe puly.

Ýagdaýa, wagta, ýerleşýän ýerine görä hemişeki bolşuny saklap bilýänler, diňe şeýle adamlar uly hormata mynasypdyr.

Sen barada aladalanýan kişini hiç wagt unutma. Çünki, günleriň birinde oýanarsyň we ýyldyzlary sanajak bolup Aýy ýitireniňe düşünersiň.

Ynam edil kagyz ýalydyr. Bir eplenensoň, näçe tekizläý, başky ýagdaýyna getirmersiň.

Wagt uçup barýar, bu erbet habar. Gowy habar: Onuň piloty - siz.

Adam kalbynyň ýetip bilmedik beýikligine burny bilen synanyşýar.

Bu günki duýýan agyryň ertirki duýjak güýjüňe öwrülýändir.



Eger utulan ýylgyrýan bolsa, ýeňiji ýeňşiň tagamyny ýitirýär.

Allatagalla adama islän zadyny däl, oňa has gereklisini berýändir.

Gamly günüňde geçen bagtly pursatlaryňy ýatlamak - iň agyr jebir.

Ýalňyşmazlyk üçin tejribe toplamaly. Tejribe toplamak üçin ýalňyşmaly.

Öz durmuşy bolmadyk adamlar elmydama özgeleriň durmuşyna sokulýar.

Kä halatlarda Alla saňa altyn bermek üçin eliňdäki kümşi alýar.

Biz nämä ynanýan bolsak, durmuşdan şony alýas.

Ynamymyz barlygymyzy emele getirýändir.

Adama düşünmeýän zady gülkünç görünýär.

Pula satyn alyp bolýan zat - bu eýýäm arzan.

"Başa barmaz" diýýän adamlary diňleme. Olar şowsuzlar, şonlugyna-da galarlar.

Durmuşymdaky her bir şowsuzlyk üçin özümi aýnadan oklan bolamda, ömrüm diňe howada geçerdi.

Ynam - bu adamyň eline pyçak bermekdir. Ol onuň bilen seni gorap hem biler, ýok edip hem.

Gaty ses bilen aýtdylar: "Onuň mümkinçiligi ýok". Gygyrdylar: "Ol şowsuz". Hudaý ýuwaşjadan aýtdy: "Onuňky ugruna bolar".

Güýçli adamlar hemişe ýönekeý.

Eger saňa birini aldamak başardan bolsa, bu ol adamyň akmaklygyny aňlatmaýar. Bu saňa mynasyp derejäňden has köp ynanandyklarynyň alamaty.

Eger hiç hili kynçylyksyz ýol tapan bolsaň, diýmek ol ýol hiç ýere eltýän däldir.



Seniň goýberen ýalňyşlyklaryň - seniň güýjüň. Düşün, egri kökleri bolan agaç berk durýandyr.

Göripler köplenç öz başarmaýan zatlary barada gybat edýärler we derejesine ýetip bilmejek adamlaryny inkär edýärler.

Görýän zatlaryňa gözüňi ýapyp bilersiň. Emma duýýan zatlaryňa ýüregiňi ýapyp bolmaz.

Haçan-da işleriň has erbetleşende diňe ýylgyrmak galýar.

Dogruçyllyk we wepalylyk - örän gymmatly sowgatdyr. Bu sowgada arzan adamlardan garaşmak peýdasyz. Ony diňe gymmat adamlar berip biler.

Eger siziň ýigrenjiňizi elektrik energiýasyna öwrüp bolsady, ol tutuş dünýäni ýagtylandyryp bilerdi.

Beýleki adama kömek etmek üçin baý ýa-da güýçli bolmak hökman däl, gowy bolmak ýeterlik.

Ýokary bilimden başga-da, adama ortaça dünýägaraýyş we başlangyç terbiýe has zerur.

Hiç kim siz barada hiç zat aýdyp bilmez. Adamlar siz hakynda näme aýtsalar-da, bu olaryň özleri babatyndadyr.

Ötünç soramak - bu seniňkiň ýalňyş, beýleki adamyň bolsa dogrydygyny aňlatmaýar. Ol diňe siziň gatnaşyklaryňyzyň şahsy pikirleriňizden has möhümdigini aňladýar.

Kähalatda isleýän zadyňy almazlyk şowlulyk bolup biler.

Ýönekeý zatlara düşünmek üçin köp wagt gerek bolýar.



Hakykatyň iň ynamly alamaty - ýönekeýlik we düşnüklilik. Ýalan hemişe kyn we çylşyrymly.

Her gün gowy bolup bilmez, ýöne her günde nämedir bir gowulyk bardyr.

Käbir adam ýerdäki ýagyş suwuna seredip, ondaky hapany görýär, käbirleri bolsa ondan serpigýän ýyldyzlaryň şekilini.

Ýigrenji gizläp bolar, söýgini gizlemek kyn, has beterem parhsyzlygy gizlemek kyn.

Durmuşa içgisiz dury kelle bilen seredeniňde içmelidigiňe düşünýäň.

Hemişe dostlaryňy oýlanyşykly saýla, a duşmanlaryň seni özleri saýlar.

Raýaty gorap bilmeýän kanun raýatyň özüni goramagyna päsgel bermeli däldir.

Adamdan oňa häsiýetli däl zada garaşmak gerek däl, siz pomidor suwuny almak üçin limony sykmaýarsyňyz.

Adamyň ölýändigi erbet däl. Erbedi - ölümiň duýdansyzlygy.

Durmuş bizi doly kämilleşdirmegi göz öňünde tutmaýar. Özüni kämil hasaplaýanlaryň ýeri muzeýde.

Gyzylda geçmek üçin köp ýaşylyň bolmaly.

Häzir ýönekeý akmaga-da sataşmak kyn, hemmesiniň ýokary bilimi bar.

Haçan-da bir wagt men içgili ýagdaýda saňa hemmesini aýdyp bererin... Ýüregimde toplanan ählisini... Sen geň galarsyň... Söz berýän, sen geň galarsyň...

Käwagt durmuşy "Sessiz" režimde goýup, uzaklara bir ýere oklasyň gelýär.

Doňuz halyňda adama meňzejek bolmaklygyň hiç hili manysy ýok.

Olar ilki seni görmeýärler, soň üstüňden gülýärler, soň seniň bilen göreşýärler. Soňam sen ýeňiş gazanýaň.

Adamlar biri-birine hiç düşünmezler. Ikisiniňkem nädogry wagty hersi özüniňkini dogry hasaplar.

Dogry ýoly tapmak üçin ilki azaşmak gerek.

Özüň bol. Beýleki rollar eýýäm eýelenen.

Seniň soragyňa dyman bolsalar, bu entek soragyňa jogap berilmändigini aňlatmaýar.

Eger öz pikirleriňiziň nähili güýçlidigini bilsediňiz, hiç wagt negatiw pikirlenmezdiňiz.

Düzgün ýönekeý: bilmeýän zadyň barada özüňçe pikir ýöretme.

Gynanmak ertiriň kynçylygyndan hiç zat egsiltmez, diňe bu günüň güýjüni tükeder.

Dünyäniň gören her beýik üstünligi, öňinçä bir hyýaldy. Iň beýik çynar bir tohumdy, iň uly guş bir ýumurtgada gizlenýärdi.

Hatyra ýazmak, ölümiň elinden bir zat alyp galmakdyr.

Köp ýalan sözleýäniň edýän kasamy hem köp bolar.

Hakykatyň reňki çaldyr.

Her islänini gürleýän, islemeýän zadyny eşider.

Rim bir günde gurulmady.

Hemme ýerde batly gadamlar bilen ýöränden,dogry ýolda agsaklap ýöremek has gowudyr.

Azatlyk agajy diňe zalymlaryň gany bilen suwarylsa ulalar.

Sözüňi diňlejek adam bolmasa, aýdyljak ýalan hem bolmaz.

Ýalňyşlyk syçan hininden geçer, dogrulyk gapydan sygmaz.

Pul garyplygy ýok eder, bagtsyzlygy däl, nahar garny doýurar, ruhy däl.

Bir adamyny dogry etmek isleseňiz oňa ynanyň; aldawçy etemk isleseňiz oňa ynanmaň.

Jenaýaty jemgyýet taýýarlar. Jenaýatçy işlär.

Ilki bilen öz gitjek ýoluňy öwren, soňra öwretjek bol.

Bedeniň ýykylsa galdyrarlar, ruhuň ýykylsa basgylarlar.

Şemal diňe gum depeleriniň görnüşini üýtgeder, çöl öňki ýerinde galar.

Adamyň hereketi onuň pikirleriniň terjimeçisidir.

Biziň hemmämiz geniý. Eger-de siz balygy onuň agaja dyrmaşyp bilmeýändigi üçin inkär etseňiz, ol bütin ömrüne özüni akmak hasaplar.

Edilen kiçijek bir ýagşylyk edip bolmajak uly zatlary dabaraly ýagdaýda söz bermekden gowudyr.

Ýüzlere maska hökmünde köplenç ýylgyryş ulanylýar.

Pessimist - haçan-da onuň gapysyny şowlulyk kakanda eşidilýän tarkylda gaharlanýan adamdyr.

Seniň duşmanyň barmy? Bu gowy. Diýmek, sen durmuşda kimdir birinden öňe geçdiň.

Kimdigiňi hiç haçan unutma!

Iň köp unutmak isleýän zadyňy hiç wagt unudyp bilmersiň.

Saglyk we baýlyk däl-de, şowlulyk diläň. Titanikdäkileriň hemmesi sagdyndy we baýdy, emma diňe şowlular diri galdy.

Durmuş optimistleriňkidir, pessimistler diňe tomaşaçydyr.

Seniň ýoluňda duran ýekeje adam - bu seniň özüň.

Gözi aldamak aňsat, ýüregi aldamak kyn.

Durmuş - bu seniň nähili güýçli urýandygyň däl, nähili urgulardan soň aýakda durup bilýänligiň.

Bir ajaýyp we ýagşy iş edeniňde, muny hiç kim duýmasa, gynanma. Aslynda: Günüň dogmagy dünýäde iň owadan pursatlaryň biri, emma adamlaryň köpüsi ol wagt ukuda bolýar.

Eger pikirlenmän aýdan bolsaňyz, diýmek siz pikirlenen zadyňyzy aýtdyňyz.

Ruhy boşlukdan beter betbagtçylyk ýokdur.

Öz üstüňden gülmegi başarmasaň, beýlekileriň üstünden gülmäge hukugyň hiç wagt bolup bilmez.

Ony bagtly edip başaraňokmy - beýlekilere päsgel berme.

Günleriň birinde ýokluga öwrülersiň. Hawa, indi sen ýok. Ýene ýolda adamlar gaýmalaşar, ulaglaryň sesleri ýaňlanar, dükanlaryň gapylary açylar, duralgadaky ýolagçylar çalşar... Bu dünýä sensizem ýaşamagyny dowam eder. Seni unudar. Muňa düşünmek agyr degýär, ýöne bu möhüm.

Adam bilen onuň özi barada gürleş. Şonda ol seni uzak wagtlap diňlär.

Ýalňyzlyk diňe çölde däl, adamlaryň arasynda-da duýulýar.

Men güýç soradym, durmuş maňa güýçli bolmagym üçin kynçylyk berdi. Men akyl soradym, durmuş maňa akylly bolmagym üçin mesele berdi. Durmuş maňa soran zatlarymyň hiçisini bermedi, ýöne islän zatlarym indi mende bar.

Eger ýalňyşmaýan bolsaňyz, diýmek siz iň ýönekeý meseleleri çözýärsiňiz. Şu-da uly ýalňyşlyk.

Pişikler özlerini söýmeýän adamlar bilen hiç wagt dostlaşmaýar. Olar adamlar babatynda ýalňyşmaýarlar.

Iň gorkunjy - bu adamlaryň uly toparynyň saňa daş zyňmagy däl. Gorkunjy - şol toparyň içinde saňa tanyş adamlaryň bolmagy.

Hemmeler durmuşda hiç kim bolmakdan gorkýarlar, şeýdibem kimdir biri bolýarlar.

Goý, hat-da seni iň deýýuslar hem ýatlasyn. Ine, şeýle ýaşamak gerek.

Wagtyň ýokdugyny aýtma! Leonarda da Winçi, Tomas Jefferson, Lui Paster, Helen Keller, Albert Eýnşteýn, Jekson Braun... şularda bolan ýaly wagt sende-de bar.

Hakykylygyň esasy kanuny - öz illýuziýalaryňa çolaşmazlyk.

Ýagşylyk owadanlykdan gowudyr.

Eger Alla ýylany iýmegi gadagan eden bolsady, Adam ata ony iýerdi.

Ýatlamalar adamy içden ýyladýar, emma şol bir wagtda ony böleklere bölýär.

Hakyky bagt gymmat däldir. Eger onuň üçin ýokary bahalary tölemeli bolsa, onda ol ýasamadyr.

Käwagt özüni beýlekilerden ýokary goýýan ulumsy adamlaryň eline bir manat tutdurasyň we şeýle diýesiň gelýär: "Öz bahaňy bileniňde gaýtargymy berersiň."

Adamlaryň iki görnüşi bar. Birileri dünýäni togalaýanlar, beýlekileri gapdalda ylgap, "Bu dünýä nirä togalanyp barýar?" diýip gygyrýanlar.

Adamlar "Wagt geçip barýar" diýýär. Wagt bolsa "Adamlar geçip barýar" diýýär.

Adam täsin ýasalan. Puluny ýitirende örän gynanýar, emma gün-günden ömrüni ýitirýänine parhsyz çemeleşýär.

Howsala düşmäň, hemmä ýeter, ajal ähli gatlagyň adamlaryny deň goldaýar.

Eger agaçlar Wi-Fi signalyny paýlaýan bolsadylar, herimiz kän agaç ekerdik, şeýdibem planetamyzy halas edip bilerdik. Gynansak-da, agaçlar diňeje biziň dem alýan howamyzy paýlaýar.

Hapalykdan patyşalyga galmak aňsat, ýöne her bir patyşa düşünmelidir: Patyşa hemişelik däl, hapalyk bolsa hemişelik.

Hakykatdan-da aýtmaga zat barka, söz tapmak kynlaşýar.

Hiç hili dermanyň peýdasy degmez, diňe wagt kömek eder. Sebäbi, döwülen ýürek hem edil döwülen süňk ýaly bitişmeli.

Adama onuň üçin ölýänler uly täsir galdyrýar. Onuň üçin ýaşaýanlara bolsa parhsyz garaýar.

Men boýun bolmaryn. Hiç-haçan boýun bolmaryn. Gygyryp we gülüp ölerin.

Eger arkaňyzdan size "Akmak!" diýip gygyrsalar, bu siziň yzyňyza öwrülmelidigiňizi aňlatmaýar.

Demir magnite aýdýar: "Özüň bilen alyp gitmäge ýeterlik güýjüň bolmasa-da çekýäniň üçin men seni mundan beýläk ýigrenýän.".

Adama ynanmak däl, täzeden ynanmak kyn.

Haçan-da puluny ýitirende ýa ogurladanda akylly adam aýdar: "Allam, sag bol, pul bilen alanyň üçin".

Bob Marliniň ölümden öň ogluna aýdan soňky sözi: "Pul ömri satyn alyp bilmez".

Kosmosa çenli uzaklyk - bary-ýogy bir sagatlyk ýol, eger siziň ulagyňyz ýokarlygyna ýöräp bilýän bolsa.

Çeşme:Yurekdesh.ru