Seni beýle söýendirin öýtmändim

Eýeläpsiň meniň bütin dünýämi.
Sen gideňsoň şol owadan dünýäniň,
Ne hala düşenin sen bir bilýäňmi?

Öň söýgä bagyşlap ajap setirler,
Döredýän kalbymdan hiç zat galmady.
Indi olam ýanan duýga bagyşlap,
Aýdymlara öz ömrüni baglady.

Sensizlige öwrenşibem başladym,
Aklym ýetýär bolup geçýän zatlara.
Ýöne ýüregimi nädip yrmaly,
Ol garaşýar senden geljek hatlara.

Geçer gider kerwen gurap aý-günler,
Wagty gelse düşünersiň bar zada.
Gözüňden akanda ajy göz ýaşlar,
Bagtly günlerim düşermi yada