Seret, ykbal,
Umytlarmyñ eýesi!
Näme görýäñ, bu gün meniñ didämde?
Goluma ildirip, täsin gandalyñ,
Kä bakmadyñ, kä ýetişdiñ idämde.

Seret, ykbal,
Ömrüñ ilki söýesi!
Juwanlygma talañ salyp nädipsiñ?
Many gözläp, men durmuşda sermendim,
Emma, ömri sen bimany gädipsiñ.

Seret, ykbal,
Meñ ömrümiñ dawasy!
Altyn-zerden zerrejigem dahylsyz.
Diñe setirleri-setire sepläp,
Öz başyma dünýä gursam, bahylsyz.

Seret, ykbal,
Kaýyllygmyñ güwäsi!
Saklajak bolamok, ömri gädiber.
Emma, opurlanda ömrümiñ dagy,
Setirlemden dikseñ, birje ýadygãr.

Seret, ykbal,
Şonda gözlem owasy!
Bagtdan ýaşa dolup, balkyldap gider.
Galam berip, señ köreden uçgunyñ,
Ullakan ot bolup ýalpyldap gider.

Gyzylgül Annagylyjowa