“Nýu-Ýork Taýms” neşiri dünýäniň iň gowy kitaby kesgitlemek üçin ses berlişik gurnaýar. Bu gazetiň habaryna görä, ses bermek üçin 25 kitap hödürlendi. Olar ABŞ-nyň neşiri boýunça dünýäde soňky 125 ýylyň iň gowy kitaplary hasaplanýar.

“1984” atly kitap – iňlis ýazyjysy Jorj Orwell tarapyndan ýazyldy we 1949-njy ýylda çap edildi. Ol häzir hem dünýä syýasatynda öz meşhurlygyny saklaýar.

“All the light we cannot see” (görüp bilmeýän ähli yşyklarymyz) atly kitap – Entoni Dorr tarapyndan ýazyldy. 2014-nji ýylda “Pulitser” baýragyna mynasyp boldy. Beýik Watançylyk urşy ýyllarynda gözi görmeýän fransuz gyz bilen Wener atly nemes oglanjyk barada eser beýan edilýär.

“Beloved” (Eý görülýän) atly kitap – Toni Morrison tarapyndan ýazyldy we 1987-nji ýylda neşir edilen bu kitap okyjylara gulçulyk sebäpli dörän akyl we fiziki şikesleri öwretmäge kömek edýär.

“Catch 22” (Emel 22) atly kitap – Jozef Heller tarapyndan 1961-nji ýylda çap edildi.

“The catcher in the rye” (Çowdary meýdanyndaky çagalar) atly kitap – J.D.Salonger tarapyndan 1951-nji ýazyldy we bir oglanyň mekdep çykarylmagy bilen başlanan başden geçirmeleri suratlandyrýar.

“Charlotte’s web” (Şarlottanyň tory) atly kitap – E.B.Uaýtyň möý, kiçijik gyzjagaz we doňuz baradaky kitaby 1952-nji ýylda çap edildi we çagalar edebiýatynyň esasyna öwrüldi.

“A confederacy of dunces” (Akmaklaryň kofederasiýasy) atly kitap – Jon Kennedi Tula tarapyndan ýazylan ýeke-täk eser bolup, bu kitap  ýazyjy aradan çykandan soňra çap edildi. Ol 1981-nji ýylda “Pulitser” baýragyna eýe boldy.

“The fellowship of the ring” (Ýüzükleriň hökmürowany: Ýüzük doganlygy) atly kitap – J.R.R. Tolkieniň kitaby 1954-nji ýylda neşir edildi, onuň esasynda filmler surata düşürilenden soňra, kitap dünýäde meşhurlyk gazandy.

“A fine balance” (Gowy deňagramlylyk) atly kitap – Rohinton Mistriniň 1995-nji ýylda neşir edilen kitabydyr.

“A gentleman in Moscow” (Moskwadaky jentelmen) atly kitap – Amor Taulzanyň 2016-njy ýylda çykan romanydyr.

“Gone with the wind” (Şemal ýaly geçdi) atly kitap – Margaret Mitçelliň 1936-njy ýyldaky romanydyr.

“The grapes of wrath” (Gahar üzümleri) atly kitap – Jon Steýnbek tarapyndan 1939-njy ýylda ýazyldy.

“The great Gatsby” (Beýik Getsbi) atly kitap – F.Skott Fisjerald tarapyndan 1925-nji ýylda ýazyldy. Ol ýaş millioner Jem Gestbi durmuşy janlandyrylýar.

“The handmaid’s tale” (Hyzmatçynyň hekaýasy) – kanadlay ýazyjy Margaret Etwud tarapyndan 1986-njy ýylda ýazyldy.

“Harry Potter and the sorcerer’s stone” (Garri Potter we pelsepe daşy) atly kitap – J.K.Rouling tarapyndan 1997-nji ýylda ýazylan bu kitap dünýäniň iň köp satylan kitaplarynyň biridir.

“Infinite jest” (Tükeniksiz degişme) atly kitap – amerikaly ýazyjy Dewid Foster Uollesiň 1996-njy ýylda neşir edilen “Infinite Jest” romany adaty bolmadyk kyssa gurluşy bilen ünsi özüne çekýär.

“To kill a mockingbird” (Gülüjini öldürmek) atly kitap – 1960-njy ýylda neşir edilen Harper Liniň kitaby uly gyzyklanma döretdi. Onuň bu eserinde gender deňligi barada gürrüň berilýär.

“A little life” (Kiçi durmuş) atly kitap – ýazyjy Hanýa Ýanagiharanyň bu kitaby tankytçylar tarapyndna ýokary baha mynasyp boldy.

“Lolita” (Lolita) atly kitap – Wladimir Nabokowyň 1955-nji ýylda ilkinji gezek Fransiýada neşir edilen bu kitaby gyzykly kitaplaryň biridir.

“Lonesome dove” (Ýalňyş kepderi) atly kitap – 1985-nji ýylda neşir edilen kitapda Larri MakMurtri kowboý rowaýaty suratlandyrylýar.

“One hundred years of solitude” (Ýüz ýyllyk ýalňyzlyk) atly kitap – Gabriel Garsiýa Markesiň 1970-nji ýylda ýazan kitabynda 100 ýyldan gowrak dowam eden maşgala wakasy gürrüň berilýär.

“The overstory” (Bir zadyň öňüsyrasy) atly kitap – 2018-nji ýylda ýazylan bu kitapda tokaýlaryň weýran bolmagyny çözmek üçin agaçlar bilen ajaýyp durmuş tejribelerini birleşdiren dokuz adamyň wakasy gürrüň berilýär.

“A prayer for owen meany” (Öz durmuşyň üçin doga) atly kitap – 1989-njy ýylda neşir edilen bu kitapda Jon Uilwraýtyň we iň gowy dosty Owen Miniň 1950-nji we 1960-njy ýyllarda kiçijik Nýu-Hempşir şäherçesinde önüp-ösen wakalary gürrüň berilýär.

“A tree grows in Brooklyn” (Bruklinde agaç ösýär) atly kitap – 1943-nji ýylda ABŞ-da neşir edilen awtobiografik roman, 20-nji asyryň ilkinji iki onýyllygynda Nýu-Ýork şäheriniň Bruklin şäherinde ýerleşýän Williamsburgda ýaşaýan bir garyp gyz we maşgalasy hakynda gürrüň berilýän eserdir.

“Ulysses” (Uliss)atly kitap – Irlandiýaly ýazyjy Jeýms Joýsyň 1922-nji ýylda neşir edilen kitabynda epos bilen romanyň keşpler taýdan meňzeşligi bar.