Olar öz gaýgy aladalaryny daş-töweregindäkiler bilen paýlaşmagy halamaýarlar. Olaryň ähli zady içine salyp ýörmekleri, wagtyň geçmegi bilen emosional taýdan ýarylmagyna hem getirip bilýär. Bu hili adamlar bir meseläni çözmek üçin wagty uzaga çekdirýärler. Olar ata-babalarymyzyň: «Ýedi ölçäp, bir kes» diýen pähimine eýerýän adamlardyr.
B (II) – bu adamlar häsiýetleri boýunça galjaň, bir ýerde durmagy halamaýan, gaharjaň hasaplanylýar. Olar köplenç öz bähbitleri üçin hereket etselerem, beýlekiler barada aladalanmagy hem unutmaýarlar. Olaryň döredijilik ukyplary ýokary bolýar. Bu hili adamlar jemgyýet bilen aragatnaşyga kynlyk bilen girseler-de, käbir üýşmeleňlere şowhun salmagy hem başarýarlar. Olaryň daşky keşpleri rahat görünse-de, içlerinde harasat gopýar. Bu hili gan toparly adamlarda iň bir halanýan häsiýet – olaryň aladaçyllygydyr. Olar beýlekileriň duýgusyna ýeňillik bilen düşünip bilýärler. Bular ýaly adamlar oňat telekeçiler bolup ýetişýärler.
AB (IV) – bu hili gan toparly adamlaryň ýatkeşligi ösen bolup, häsiýeti boýunça ýumşak, aragatnaşygy halaýan we çözgüt çykarmakda kynçylyk çekýän hasaplanylýar. Olar diýseň guramaçylykly, dogruçyl we adalatlydyrlar. Bu hili adamlaryň daş-töweregindäkilere sowgat paýlap, olary begendirmegi halaýandyklary üçin olar toparyň «ýüregi» hasaplanylýar AB (IV) gan toparly adamlaryň öňdengörüjilik ukyplary ösen bolup, olaryň duýgulary güýçli bolýar. Erkinligi halaýan bu adamlar maşgalada gowy ýanýoldaş bolup bilýärler.
Taýýarlan
Tawus DURDYÝEWA,
leýtenant.

«Atamyrat» žurnaly
№2 (10) 2007ý.


GAN TOPARLARYNA LAÝYKLYKDA ADAMLARYŇ HÄSIÝETLERI:

I topar – köplenç öňbaşçy, köpçülige ýolbaşçy bolmaga ýykgyn edýärler. Olara öz öňlerinde goýan maksatlaryna ýetýänç-ä göreşmek, ýüze çykýan çylşyrymly meselelerden akylly başly baş alyp çykmaga ukyplylyk häsiýetleri mahsus bolýar. Eger-de synmaz erklilik, gujur gaýratlylyk, egsilmez joşgun hujuwlylyk bu adamlary bezeýän bolsa, howlukmaçlyk, gabaňjaňlyk, öýkeleklik olaryň häsiýetleriniň gowşak taraplarydyr.
II topar – sowukganlylygy saklamagy başarmak bilen, ähli meselede tertip-düzgüniň bolmagyny, işdeş ýoldaşlary bilen özara düşünişip sazlaşykly işlemegi halaýarlar. Duýgurlyk, çydamlylyk, hoşniýetlik artykmaç taraplarydyr. Asgyn taraplary bolsa kesgirlik, ylalaşyga ukypsyzlyk bolup durýar.
III topar – islendik işde öz göwünlerine laýyk hereket etmegi halaýarlar, ähli zada aňsatlyk bilen öwrenişýärler. Olarda erkinlik, kimdir birine bagly bolmazlyk islegleri ösendir.
IV topar – köpçüligiň hormat sylagyny gazanmagy başarýarlar. Şeýlede olar töweregindäkilere sypaýy adalatly çemeleşýärler. Ýöne bularda aýgytlylyk ýetmezçilik edýär, käte uzak pikirlenip kynlyk bilen karara gelýärler.

«Donorlyk» Öwez Kürräýew,
TGM-niň baş terapewti.

Şu mowzuk bilen şu iki teswir o diýen uly mowzuk däl gerek hemmesini bir mowzuk edip açsam?! Emma hiç hili ýagdaýda açyp bolanok. Ikä bölemde-de açylmady. Ahyry üçe bölüp zo:rdan açdym. Swýazyň pesligindenmi ýa Abaddon belli bir çäk goýdumyka?!

Mena oz gan toparymam bilemok.

A gy, menema blmk. Birin bilip berayin

Bäh, senem bular ýaly zada ynanýaňmaý

Alita,
Bärdäkiler bilmeýä ony.Doktora gan tabşyryp bilmeli

Adamyň häsýetiniň bir paýy gandan (maşgaladan) gelýär. Galan paýy terbiýelenişi, gören-eşden zatlary, medeniýetleri, däpleri, ýurdy, okan we bilen zatlary doldurýar. Sähelçelik paýam din şekillendirýär.