Ilkinji söýgimi salsam ýadyma
Ten däl ýürek ýanýar yşgyň odyna
Ýanýan diýsem kimler ýeter dadyma
Men ýadadym,sen söýgiden ýadama
Ynamym peselýär ähli adama
Seni ýatlasam

Bir ömür ,bir ölim ýetse bir başa
Çyn söýgi ,päk söýgi ýetmez her başa
Besdir doýdum senden git menden daşa
Nirde ýaşasaňam şol ýerde ýaşa
Başgaň gujagynda del ýerde ýaşa
Didelerim dolýar ajy göz ýaşa
Seni ýatlasam

Indi eden işleň puçdugyn bilgin
Etjek ,edýän işleň puçdugyn bilgin
Geçen günleň göýä düýşdigin bilgin
Bes yza dolanma giçdigin bilgin
Ökinip gözlermiň ýaşdygyn bilgin
Meni ýatlasaň

Gerçeknazar Amannazarow