Käbir adam «Gözüm bilen görmedik zadyma ynanmaýaryn. Ras, men Allany göremokmy, diýmek Ol ýok. Onuň bardygyna-da ynanmaýaryn!» diýýär.
Biderek gürrüň. «Näme içün» diýýämiň? Nämeçüni, biziň görmeýän, emma bardygyna ynanýan şeýle bir kän zadymyz bar welin, sanasaň sogaby bar. Derrewjik birki sanysyny sanap bereýin: akyl, söýgi, bagt, wyždan, merhemet, pikir we ş.m. Ine, şu sanan zatlarymyň nämedigini sen bilýärsiň dälmi?! Emma şolaryň hiç birisini gözüň bilen görmediň. Diýmek, käbir zatlary gözümiz bilen görmek gerek däl ekeni. Görjek diýsegem görüp bilmeris. Unutma! Bir zadyň barlygyny görüp bilmezligimiz şol zadyň ýokdugyny aňlatmaýar.
Alla gözümiz bilen görmesegem, bardygyna ynanýan Ýaradyjymyzdyr.