Käşgä...

"Görýän" diýmegi däl-de,
Görmegi başarsadyk.
Söýýän diýmegi däl-de
Söýmegi başarsadyk.

Başarsadyk eger-de
Bagtly borduk şeýle bir
"Bagyşla"diýmegi däl
Göwne degmän gezmegi.

Özgäniñ ýazygyna
Gözümiz ýumup bilsek.
Özümize tankytdan
"Ymarat" gurup bilsek.

Eger goýsak erkine
Guramazam,kim biler
Bary ýogy bir pasyl
Ýolman geçsek gülleri.

Inkär etmek däl netim
Ýadyñ nepi uludyr
Ýöne käte kä zady
Başarsadyk unudyp.

Kaksak kalplañ gapysyn
Galmagy başarsadyk.
"Ýazýan"diýmegi däl-de
Ýazmagy başarsadyk.

Mahym NURGELDIÝEWA.

19.10.2021 ý.