Amanjyk


Bu gün irden turdy-da,
Elin-ýüzün ýuwundy.
Irdenligini edinip,
Mekdebine ugrady.

Ýolda barýarka birden,
Büdredi Amanjyk,
Ýere ýykylyp mazaly,
Aglaýardy Amanjyk.

Dostlary gelip kömege,
Galdyrdylar Amany,
Köşeşdirip, kakdylar,
Üstü-başyn mazaly.

Ine jaň hem kakyldy,
Ugradylar mekdebe,
Synpa girip bir-birden,
Oturdylar ýerlerine.

Aman bäşlik baryny
Alyp bildi bu günlük,
Jaň kakyldy ine-de,
Bizem öýe ugradyk.