täze ýylda paý alyň siz,
hemme zatlaň täzesinden.
ýöne käte täze gözläp,
mahrum bolmaň könesinden.
****
erkek täze aýal gözläp,
ynjytmasyn başkysyny.
goňşy, täze goňşy gözläp,
taşlamasyn goňşusyny.
****
şahyr nysak gözläp,
unutmasyn könesini.
ogul täze «hasap» gözläp,
aglatmasyn enesini.
****
başlyk täze işgär gözläp,
köneleri dargatmasyn,
ýigit täze magşuk gözläp,
başkysyna gargatmasyn.
****
gyzlar täze köýnek gözläp,
taşlamasyn düýnkisini.
aýal täze erkek gözläp,
gaçyrmasyn öňküsini.
****
dostlar täze dost agtaryp,
ýüz sowmasyn könesdinden.
täze zat hem oňat welin,
aýlanaýyn könesinden