Elinden gidirip arzyly zadyñ,
Dünýäñ derdi bilen aglap gördüñmi?
Gözden gam inende, soralsa halyň,
"Aý gowy-la" diýip aldap gördüñmi?

Gijelerne ýalňyz galyp gördüñmi,
Ýyldyzly köýnegin synlap asmanyn?
Gülkiñe gussañy garyp gördüñmi,
Bendi bolup em tapylmaz ahwala?

Gördüñmi ýodany yzarlap ýüp deý,
Nämedir bir zady küýsän mahalyń?
Awunyp gördüñmi minnetli gepden?
Gyş bolup gördümi ýaşyl baharyň?

Käte-käte adam gözläp gördüñmi?
Elewräp gördüñmi ýüregiñ gysyp?
Uzak menzillere ugrap gördüñmi,
Kiçijik haltaňy arkañdan asyp?

Dañylyp gördüńmi soňsuz soraga,
Jogap tapman, ýüregiñi çişirip?
Garaşyp gördüňmi kimdir birine,
Gije-gündiz garap ýatyp işige?

Bulutdan syrygyp, ýagyş ýaganda,
Gussalañ bar zatdan çykýarmy üstün?
Çyndanam şeýlemi?
Gutlayan onda
Biz meñzeş ekenik,
Hoş geldiň, dostum!

Aşyr HANOW