Göwnümde galan kineler,
Mañlayymda goýdy gasyn.
Hünji deýin ünjuleri,
Neden unutmadym basym?

Öykelermi düwünçege
Düwdüm-de kalba okladym.
Men olary hiç çözmedim,
Yürekde gizlin sakladym.

Aý aýlandy ýyllar geçdi,
Gül baharly günler geçdi.
Ýyllar egismedi kinäm,
Düwünçegim agyrlaşdy.

Birek-biregi ynjydyp,
Göwne degmek nämä gerek?
Ahyrynda dolup-dasyp,
Bir gün çat açmazmy ýürek?

Döwülen göwün aynasyn,
Ýelimlap düzedip bolmaz.
Satyn alyp bolmaz ony,
Gaýdyp onuň ýüzi gülmez.

Ayjemal BABAGULYÝEWA