Sensizlik
Bu dertlerim düwün boldy damakda,
Senli pikir, hyýal bilen badaşyp.
Waspyň üçin söz galmady ýürekde,
Eý biwepa, menä halys ýadadym.

Kinelem kän yzasyny duýaňok,
Ne hä gam bar sende, ne-de bir gussa.
Seniň üçin erbet zadam diýemok,
"Men seni söýýärin"-diýmekden başga.

Ýeketut hem gurap galdy garalyp,
Duralga hem gelýär senden başgasy.
Nämüçinkä duýgularmyz badalyp,
Kynçylykda aýralyga gaçmasy?!

Aý ýok senä ýatlaýansyň öýdemok,
Degýänin bilýärin kalbyňa urgy.
Gyýa bakýaň, diliň bilen aýdaňok,
Duýýaryn, üýtgese gözleriň ugry.

Bolýar, razy men, söýmäňde näme,
Diňe geçen güne agyrýar nebsim.
Razy, söýýärin diýmäňde näme,
Ol sözi goý, maňa özge gyz diýsin.

Şuny bilgin duýgylarmy harlan gyz,
Şol meniň bagtymdyr, sen bagtly bolsaň!

Kemsinme Ezizim! Kemsinme asla!
Geyýän geýimleriň sadalygyna.
Seni söýgim bilen, bagryma basýan,
Melul men gözleriň jadylygyna.

Kemsinme, ezizim, durmuşda häli,
Meň kärim utulmak,
Utup bilemok.
Hem käbir işewür adamlar ýaly,
Arzan alyp, gymmat satyp bilemok.

Kemsinme ezizim, berme gama ýan,
İr-giç, seniň sargydyňy bitirin.
Häzir men bergimi üzmäne barýan,
Son saña köyneklik mata getirin.

Mañlaýdan der saçyp,
Dilden dür saçyp,
İşleýärin, baýlygym ýok, pulum ýok.
Ýöne men birzady aýdaýyn açyk:
Meniň senden başga, söýýän gülüm ýok!

Men seni söýýärin,
Söyýärin, ýöne,
Söýgi köýnek ýaly geýilýän däldir.
Geýnüwli gelinler,
Aý dek gelinler,
Belki, seniñ ýaly söýülýän däldir!

BAGT
Birgün gelip senden gideýin diýdi
Özümde barlygyn
duýmadyk bagtym.
Men özgäni bagtly edeýin diýdi,
Şindi bir ýaman söz diýmedik bagtym.
Jogap berdim, bolýar gitseň, hoş onda,
Ötegçi şemaly saklanok baglar.
Gujagyndan güwläp gaýdan derýany
Goýbermän saklajak bolanok daglar.
Gitdi. Goý, özgäni bagtly etsin,
Ýeri, nätjek, köňül köşgüň bozulsa?!
Özi göwnäp gitse, goý, gitse gitsin,
Egleme bir pursat bagtyňam bolsa!

Razymy ?

Ber jogap razymy unudan dünýäñ,
Söýgüsine özge eýe çykarna ?
Küsemezmi, meni islän arzuwyñ,
Diýdeleñden gøz ýaş bolup çykanda?
Gawanmazmyñ, meni özge gujaklap,
Düýšleriñde talañ salsa sähelçe ?
Içki dünýäñ titremezmi gök kimin,
Arman çekip oýanmazmyñ säherde ?

Unutmarsyń, bir unudan bolarsyñ,
Seredersiñ ýeñ astyndan gelerme.
Men üýtgärin, sen üýtgärsiñ sähel wagt,
Emma näme alýäñ munuñ deregine?
Bu oýnuñdan peýda bormy ýeke zat,
Pozuldymy eýýam düýin ýazan adyñ?
Sen bu gün üýtgeşik gürleýän bolduñ.
Mensizlik dälmidi ýirgenýän zadyñ?

Bolýa razymy sen, gülemde sensiz,
Ýa aglasam ynjamazmy gursagyñ?
Ýeller saña ýetirýädi ahyryn,
Çaga deýin göz ýaš döken pursadym
Duýda indem, göz ummanym joşup dur
Damagym gysylyp berenok demi
Jogaplaýda soraglarmy gadyrsyz
"Mensiz ölýän" diýdiñ, kim öldi hany?

Köp sag bol, paýlaşanyňa.

Men Aý bilen söhbet etdim

Aý bilen gürleşdim
sen hakda.
O syrdam boýludygyňy aýtdy
Saçlaryňam yza daraklaýanyňy.
men ony diňledim
üns bilen
elimiň üstünde kellämi goýup
gözöňümde janlandyrdym keşbiňi
Nurana ýigit.
Goňşy obadaky gerçekleň
birine-de meňzeş däl.
Sen - üýtgeşik!
Didelerme intizardygyňam aýtdy.
Allajana şükür!
Arzuwlarymy asmandan alan ekenim.

Geleweri(!),
kiçelip,
egrelip
inçejik bolup
garaşýar saňa...
süýtreňk Aýyň astynda
bugdaýreňk Suraý.

Suraý Babanyýazowa

Käte ylham gelýär, aslynda şahyrçylykdana baş çykanogam)))

Ylham gelse ýazgyn hökman mugt maslahat.
Menem goşgulary juda gowy görýän.
Goşgudaky şu sözleri halamadym ýöne:
Jogaplaýda soraglarmy gadyrsyz
"Mensiz ölýän" diýdiñ, kim öldi hany?

Olmedi hic kimem)))

Birhili nahili diysem birhili boldum okap;)))

;))

Aslynda bu goşgy beýle jemlenenokdy üýtgedipdir awtor.

Menä kopy etdim))

Hiç hilem bolma goşgyň saňa baglanşykly ýeri ýoga))

Meň Walkerime bagyşlanan bu))

Gaty gowy eken Berekella galamyňa saglyk

Bu gyzeyyyyy toba toba meni duygulandyranja yeri bar sondan yazdym hemem ozume kopyalap goydum)))

Bolya, bolya