Bir käsejik kofe ýasap ber, dostum,
Deregne ýüregmi bereýin saňa.
Kofäň deý ajymtyk söhbet etsek-de,
Bize ýeterlik bor ýetmäge daňa.

Gijäň reňki örtmez ýürek syrmyzy,
Derdimizi üfläp, köreder ýeller.
Gapjyk deý gursagyň içinde gizlän
Ýüregňi her kime açasyň gelmez.

Gel, söhbet edeli,
belki şol pursat
Bizi tämiz arzuwmyza gaýtarar.
Bu pursady duýmak üçin ikilenç
Ömür bize beriläýmez gaýtadan.

Ruhum boşan kapasa deý düňderlip,
Geň däl käte göwrämi ýat saýmagam.
Mähir islän göwnüýarym göwnümi
Doldurmaz dünýäniň hiç bir baýlygam.

Goý, sözümiz deň gelmese-gelmesin,
Göwünler göwüne deň gelse besdir.
Men saňa ýüregmi berjek, deregne
Bir käsejik kofe ýasap ber, dostum!


Goçmyrat ORAZBERDIÝEW