Gygyrarlar bir gün seniňem adyň
Pylany dünýeden ötendir diýip
Ýoldaş däldir Imanyňdan gaýrysy
Ötersiň ak kepen egniňe geýip.

Ýagşylyklar bezär Iman goruňy
Oýlap otur soňky barjak ýeriňi
Öýkeniň Alladan sorap alýandyr
Içe aljak hem goýberjek demiňi.

Herne kylsaň diri wagtyň etmeli
Gözleriňi ýumaňsoň PUŞMAN KABUL DÄL
Ählijämiz bu jahandan gitmeli
Ýollar agyr hem hatarly,ýeňil däl

Aýmuhammet umydyňam gowy zat
Ýöne parzlary söýüp ýaşalyň
Pygamber sünnetin kylalyň munda
Mezhebbaşymyza uýup ýaşalyň