DÜNÝЕ

Durky päliwan dünýe,
Görki hüýr-jenan dünýe,
Owsun atyp owadan,
Bagrymy badan dünýe.
Wyjdanla wyjdan dünýe,
Deýýus diýer: ”Şam dünýe”.
Agyz ýarman, Hudaý dek
Baryna çydan dünýe.
Nadandan ýadan dünýe,
Ýadany gidýän dünýe,
Ýaman-ýagşa biperwaý,
Günäsiz meýdan dünýe.
Aklara aýan dünýe,
Parhsyza peýan dünýe,
O ýana – o ýan dünýe
Bu ýana – bu ýan dünýe.
Ýagşysy ýaýran dünýe,
Ýürek dek urýan dünýe.
Adalatyñ ýolundan
Mytdyldap barýan dünýe.

Bapba GÖKLEŇ