Millionlarça adamlaryň içinde
Özüň ýalňyz duýmak...
Niçiksi agyr!
Şu gün saňa duşdum.
Hyýal göçünde,
Sen keşbini çeken taýym-da agyn.

"Sen şolmudyň?!"diýip sorasym geldi,
Geldi ur-tut maňlaýyňdan öpesim.
...Arşdan idäniňe sataşsaň ýerde,
Kesiläýýär eken demiň-nepesiň.

...Soraýmagyň ýeňil däldigi üçin,
Mydam boýny buruk sorag belgisem.
Men,barybir,ony soraman bilmen,
Her jogap ber...
Göwnüme bir degme sen.

Çünki göwnüm içre ýaşaýaň bir sen!
Özüňi örtärsiň göwnüme degseň...

Kakamyrat Rejebow.