Käte duýgy dünýäsinde düldüräp,
Gelýär göwün tary halys üzlere.
Suwsaýarsyň bir kireňsiz ýürekden
çogup çykan kölegesiz sözlere.

Käte ýekeje hat,
kä ýekeje jaň,
"Dostum,ahwalyň ne,halyň nähili?!"-
Bogun-bogun yzlan şujagaz jümläň
Bütin ömre ýaýrar tereň täsiri.

Käte ýersiz ýere gussa batýarsyň,
Tapaňok hiç öz-özüňden ýakyny.
Ah,şeýle pursatda neneňsi oňat,
Ýürekdeş birisi kaksa gapyňy.

Goý,ol seni dünýä bersin täzeden,
Bir pursatda çyndan bagra bassyn-da...
...A-how,adamlary ýaşadyp ýören
Uly zadam däl ýaly-la,aslynda...

Kakamyrat Rejebow.