"

Sagat-sagat geçip barýar bu ömür,
Bu maksat däl:
Berlen ömri ötürmek.
Ah, tapmag-a bir kyn, soňam kyn düşýär,
Iň mähriban adamlarňy ýitirmek.

Yzda galdy dostlaryň gör näçesi,
Diňe ýürek şeýle gysan mahaly.
Men dostumyň kimligini tanadym,
Ykbalymyň bir ajaýyp säheri.

Kän ýalňyşdym, her ýalňyşan gezegim,
Daramady, üstümdenem gülmedi.
Men ömrümde kän-kän dostlary gördüm,
Birem oň ýerini tutup bilmedi.

Düşün, maňa müň sany dost gerek däl,
Goý, müň adam ýürek syrym bilmesin!
Soňra syrym saljak bolsa bazara,
Şol dostlaryň ýeke birem bolmasyn.

Ýöne, haýyş, girmezden öň dünýäme,
Bolýan däldir, oňa hasrat getirmek.
Ýürek demir däl-ä, oňa kyn düşýär,
Iň mähriban adamsyny ýitirmek.

2014 ý.