Ýeke goýup gitdiň,duýmady asman,
Bulutlar sarsmady,ýagmady ýagyş,
Ýöne gözýaşlardan öllendi desmal,
Ýüregme çekildi ot bilen nagyş.

Ýeke goýup gitdiň,duýmady şemal,
Süňňi sarsyp ýetişmedi agaçlaň,
Ýöne ömrüň şatlyk,gülkisi kemäp,
Gidişin synladym ýaz çagy guşlaň.

Ýeke goýup gitdiň ,duýmady dünýä,
Millýardlar ýaşap ýör,bir maňa ýer dar.
Hemem gohly durmuş,dymyk görünýär,
Sagat dilleriniň ýöreýşi myrtar.

Ýeke goýup gitdiň,duýan men boldum,
Yzyňdan gitmäge,ugur ýok maňa,
Söýüp,söýlüp bilmän paýymy aldym,
Ol,ýeňil ýitgiden,agyr ýatlama.

Awtorynyň kimligini bilseňiz maňa-da aýdaýyň!