Möwlana,
Bilýäňmi,
Jöwzada ruhum,
Yşkyňdan ot düşdi,
Tenendir janym.
Tutuş barlyk–
Öýüm-öwzarym, ýurdum–
"Fihi ma fihi"-de jemlenen bary.

Hajymelik nebsim töwir okaýar,
Köküm uzap barýar çuňa– jümmüşe.
Beýnimdäki gäwür tara dokaýar,
Pyrgun aň şol namazlyga mündi-de,

Goýdy maňlaýymda seždäň bessesin.
Aýaklarym geýdi derwüş paşmagyn.
Barmaklarym ulanýan men tesbi deý.
Galamymy elýetmeze taşladym.

Gabaklarmy perde edip didäme,
Göreçlermi içki dünýä bakdyrdym.
Men özümden öz-özümi idäbem,
Ýola çykýan,
Wah, ýitigim tapdyrsa...

Orazmyrat MYRADOW