Gyş gutaryp, dolup togsan,
Bahar pasly gül açanda,
Ýiteldip tylla tyglaryn,
Gün äleme nur seçende,
Baga ýaşyl menek örűp,
Saýrak guşlar dür saçanda,
Dagda çaýlar dolup daşyp,
Siller derýany guçanda,
Derelerde dag keýikler,
Okaradan suw içende,
Durnalañ telim hatary,
Gűnbatar sary uçanda,
Gökden gara bulutlardan,
Akja monjuklar gaçanda,
Men geldim dünýä...

Iňňä, bäbek,
Iňňildäber!
Giňdir dünýä,
Tegelek.
Bolgun taýyn,
Alyp paýyň,
Her bir daşdan,
bir mähek.
Durmuşdyr bu,
Ýaşaberseň,
Ajysyn,
hem süýjüsin,
Gaýgyrmaz ol,
Saýgarmaz ol,
Paýlap berer,
bu Pelek...

*Awtoryny bilemok.Bilýänlerden ýazmagyny haýyş edýän !