Bir ýeriň ynjasa ýuziň gülinmez,
Hassalyk derdi hiçkime dilenmez.
Durmuşyň gyzygy göze görünmez,
Saglygyň bolmasa bary biderek.

Toý,ýasynda adamlary sanap gör,
Öz ornyňy il törinde barlap gör.
Käteler öziniň özini synap gör,
Hormatyň bolmasa bary biderek.

Arzuw etmegiňem öz çaky badyr,
Şu günine kaýyl bolýanlar azdyr.
Her adam hars urup her zada zardyr,
Nesibäň bolmasa bary biderek.

Gyz gelin yüzne çalynar reňkin,
Üytgetjek bolarlar hakyky görkün.
Dogry çala bezeg bermegem mümkin,
Mähir nur bolmasa bary biderek.

Nahal ek topragna her pasyl,
Boý alyp ýapraklap öwüsse ýaşyl.
Ýöne miwelemän bermese hasyl,
Bakjaly baglaryň bary biderek.

Eklenç üçin gazanç üçin işleseň,
Arzuw eden hünariňe ýetmeseň.
Edýän işiň ýüreginden söýmeseň,
Höwesiň bolmasa bary biderek.

Dos diýenler daşyň dolup dursada,
Saňa şöhrat diläp hormat goýsada.
Gabat gelseň egerde kyn pursada,
Halyň soramasa bary biderek.

Ejeň ak süýdini ödäp bilmesen,
Kyblañ kakaň ak patasyn almasaň.
Hossarlaryň gadyryny duýmasaň,
Razy bolmasalar bary biderek.

Alty dogan bir düşege sygdylar,
Ulalyp öýlenip goňşy boldylar.
Oňuşman aradan haýat dikdiler,
Hana agzybirligiň bary biderek.

Karza batyp soň masyn edinip,
Gymmat baha eşiklerden geýnip.
Aýlanyp ýör köçä sygman öwünip,
Öýi çatma ýaly bary biderek.

Käbir gyzlar pul baýlyga gyzarlar,
Mynasyp däl yara özin dözerler.
Soňra puşman çekip aglap gezeler,
Durmuş bagtsyz bary biderek.

Wagtynda okaman okuw hanada,
Hiç kitap okaman kitaphanada.
Soňra işgär bolup bir edarada,
Işini bilmese bary biderek.

Köpler öz iýen duzuna degmeýärler,
Ol bolşuna ile göwni ýetmeýär.
Asly ýaşaýşa akly çatmaýar,
Düşünjäň pes bolsa bary biderek.

Iki sözi dogry çatyp bilmänler,
Köpler özlerine şahyr diýýäler,
Bolar bolgusyz zat hakda düzýaler,
Manysy bolmasa bary biderek.